Буйнакск район судда Чиркейде турагъан­ 39 йыллыкъ ерли далапчыны уголовный ишине къаралгъан.

 

Судгъа бакъдырылгъан материаллагъа гёре, ол 2022-нчи йылда юртуну къырыйында, туристлер кёп гелеген ерде законсуз кюйде, аманлыкъны болдурувгъа талап бермейген  ял алыв базаны къургъан болгъан .

2023-нчю йылны сентябр айыны 11-нде, гюндюз сагьат 12 битип, янгурдан сонг базаны бетон тамлары чёгюп гетип, шо заман къырыйында токътагъан машинни уьстюне авгъан. Натижада машинни ичинде болгъан жагьил къатынгиши шо ерде оьлген, ону эри авур яраланып, азарханагъа тюшген. Олар Дагъыстангъа Новгород областдан гелген болгъан.

Суд далапчыны   эркинликден магьрюм этмей, къоду булан такъсырламакъны да таман деп гьисап этген.

 

Алав АЛИЕВ