Москвадагъы шагьар судда магьачкъалалы Рустам Батырбековну уголовный ишине къаралгъан.

 

Судгъа гелген материаллагъа гёре, 2023-нчю йылны сентябр айында уьлкени тахшагьарыны паркларыны бирисинде къатынгишини оьлтюрген болгъан. Жинаятчыны къурбаны Роспотребнадзорну къуллукъчусу болуп чыкъгъан.

Шо гюн ол ахшам вакъти ишинден къайтып геле болгъан. Паркда, адамлар ёкъ ерде Р. Батырбеков къаравулламагъан кюйде бирден артындан ерге йыгъып токъалама башлагъан, сонг бувуп оьлтюрген. Полицейскийлер алгъасавлу чаралар гёрюп, жинаятчыны тез тутгъан. Судда ол: «Къатынгишини не саялы оьлтюргенсен?», – деген соравгъа адамшавлу жавап берип болмагъан.

Суд Батырбековну 17 йылгъа эркинликден магьрюм этмек деген къарар чыгъаргъан. Туснакъ болжалын огъар къатты низамы булангъы колонияда оьтгермеге тюшежек.

 

Алав АЛИЕВ