Савлай уьлкеде «Уьстюнлюкню байрагъы» деген гьаракат юрюлюп тура. 1945-нчи йылда фашистлерден уьст болувну белгилейген Къызыл байракъны «учгъунларыдай» гьисапланагъан гьалиги байракълар да юрекге тавакаллыкъ бере, бизин оьктем ва оьр эте. Уллу аталарыбыз дав майданларда тёкген къангъа ошайгъан байракъ – бизин ярыкъ яшавубуз учун санын сёкгенлени эсделиги болуп токътай ва оланы игитлигинде яшёрюмлени патриот ругьда тарбиялама кёмек эте.

Темиркъазыкъ Кавказны республикаларындан оьтеген шо автомобил юрюшде ону ортакъчылары дав болгъан ерлерде токътай, шондагъы эсделиклеге гюллер сала, эсделик митинглер эте. Дагъыстанны уьч боюнда башлангъан юрюшлер де Каспийск шагьарда тамамлана, шо шагьардан чыкъгъаны буса Пятигорск шагьаргъа етишип токътажакъ. Савлай элни бийлейген эсделик чаралар, бизин ярыкъ яшавубуз учун оьлюп гетгенлени эсделигине этиле.

Шоланы къоччакълыгъындан уьлгю алып, бугюнлерде Украина бойда хас асгер гьаракатда ортакъчылыкъ этегенлер де бизин игитлерибиз. Заман гетип, миллетчилени дагъытып да бирдагъы уьстюнлюк алгъан гюнюбюз де болар!