ДР-ни башчысы Сергей Меликовну сиптечилигине гёре ерлерде хас асгер гьаракатда жанын къурбан этгенлени эсделигине багъышлангъан «Эсделикни баву» деген чара генг кюйде якълав тапгъан.
Алданокъ билдирилгенине гёре, Россияны янгы территорияларында, шо яндан алгъанда Донбасда юрюлеген хас асгер гьаракатда жанын къурбан этген ватандашларыбызны ва асгер къуллукъчуларыбызны эсделигине уьлкебизни бары да ерлеринде «Эсделик бавлар» орнатмагъа таклиф этилген. Алдындагъы гюнлерде, «Эсделикни баву» Къызылюрт районда да ачылды.
Шо чарада ДР-ни загьматны ва социальный якъдан якълавну министри Мурат Къазиев, ДР-ни Халкъ Жыйыныны депутаты Гьажи Биярсланов, Къызылюрт районну башчысы Рустам Татарханов, Къызылюрт шагьар администрациясыны башчысыны заманлыкъгъа борчларын кютеген Амирхан Амирханов, ДР-ни Къызылюрт шагьаргъа, Къызылюрт ва Хумторкъали районлагъа къарайгъан военный комиссары Шейхсайит Магьамматов ва хас асгер гьаракатда ортакъчылыкъ этегенлени ювукъ адамлары ортакъчылыкъ этди.
Оьсюп гелеген яш наслубузну да булай гьаракатда ортакъчылыкъ этмеклигини айрыча агьамияты бар экенин эсгерме тюше. Демек, Къызылюрт шагьарда «Юнармия» деген гьаракатны башын тутгъан запасдагъы подполковник Агьмат Гьюсейновну атына да айрыча разилик билдирилди. Шо гюн чакъны гьалы булутлу ва салкъын экенине де къарамайлы яшлар оьзлеге тапшурулгъан жаваплы ишге амин экенин бирдагъы керен гертиледи.
Чинкдеси, бу гьаракатда ДР-ни Халкъ Жыйыныны депутаты Гьажи Биярсланов, Афгъанистанда интернационал ва асгер борчун кютген уланлардан солтанянгыюртлу Муса Аскерханов, эндирейли Къанболат Салавов ва оьзгелери актив кюйде ортакъчылыкъ этди.
Алибек САЛАВАТОВ.
СУРАТДА: гьаракатдан гёрюнюш.
