Дербент шагьарны 2000 йыллыгъына багъышланажакъ

Новости Ёлдаш
13 марта 2015 в 14:58 1050
Прочту позже
Дербент шагьарны 2000 йыллыгъына багъышланажакъ <p align="justify"><b><font color="#0054A5"><i>
        <br />
      </i></font></b></p>

<p align="justify"><b><font color="#0054A5"><i>          <font size="2" face="Arial">Ювукъда, ачыкълашдырып айтгъанда, март айны 18-нден тутуп, 21-не ерли Москва шагьарда оьтгерилежек «Путешествие и туризм» деген халкъара выставкада Дагъыстанны стенди Дербент шагьарны 2000 йыллыгъына багъышланажакъ. Шо гьакъда бизге республиканы туризмге къарайгъан комитетинде билдире. </font></i></font></b></p>


       Шо выставканы барышында бырынгъы шагьарны «Нарын-къала», «Даг-бары» деген къала тамы, Россияда да ва СНГ-ге гиреген пачалыкъларында да лап бырынгъы деп гьисапланагъан VIII асруда къурулгъан жумамежит, эрменилилени килисасы ва шолай башгъа тенги ёкъ къурулушлар шону ортакъчыларыны ва гелген къонакъланы тергевюне берилежек.

Алдан берли токъташдырылгъан мердешге гёре, республиканы турист-рекреационный инвестиция майданчаларын малим этивюню вакътисинде «Тав ёллар булан», «Турист маршрутлар», «Дайджест», «Дагъыстанны турист картасы» деген проектлер малим этилежек. Шо проектлеге гёре бары да англатыв-аян этив материалланы республиканы туризмге къарайгъан комитетини касбучулары гьазирлеген.

          Ондан къайры да, шо выставканы барышында савлай дюньягъа белгили Кубачи, Балхар, Гоцатл, Хива, Унцукуль юртларда халкъ саниятчылыкъ булан машгъул болагъанланы этген гьар тюрлю савгъат маллары да гьаман да йимик выставканы ортакъчыларыны тергевюн тартажакъ деп къаравуллана.

         Гьар йыл оьтгерилеген шо выставка турист тармакъда юрюлеген инг агьамиятлы агьвалатланы бириси гьисаплана. Шону ишинде 200-ден де кёп уьлкелерден гелгенлер ортакъчылыкъ эте. Ону оьлчевюнде далапчыланы арасында пайдалы ёлугъувлар, форумлар, конференциялар, семинарлар оьтгериле. Касбучулар туризм тармагъыны агьамиятлы масъалаларыны айланасында пикру алышдыра.



«Дагъыстан» деген маълумат агентлиги.