Апрель айны ортасында ДР-ни маданият министри Зарема Бутаева республика газетлени журналистлери булан пресс-конференция оьтгерди. Шонда аслу тема гьисапда сёз Дагъыстанда оьтгерилеген «Порт–Петровские Ассамблеи» деген он еттинчи халкъара музыкалы фестивальны гьакъында юрюлдю.
Бу фестивальны Т.Муратовну атындагъы Дагъыстан филармония республиканы маданият министерлигини кёмеги булан оьтгере. Фестиваль «Культура» деген РФ-ни милли проектини оьлчевюнде юрюле.
Бизин республикада юрюлген бу музыкалы форум, концерт программаларына гёре лап да уллу ва узакъ (эки ай) юрюлеген маданият агьвалат болуп токътай. Дагъыстанны музыка коллективлери, Москвадан, Санкт-Петербургдан, Чехиядан гелген музыкантлар ва коллективлер къаравчулагъа 9 тюрлю музыкалы-концерт программаланы гёрсетежек.
Я.БИЙБОЛАТОВ.
