«Дагуниверсиада – 2014»

ДР-ни спортгъа ва физкультурагъа къарайгъан, жагьиллени ишлерине къарайгъан, олай да билим беривге ва илмугъа къарай­гъан министерликлерини сиптечилиги булан  оьтгерилеген фестивальны  оьлчевюнде спортну регби-7, шахматлар, волейбол, бас­кетбол, столда ойналагъан теннис йимик спортну жураларындан ярышлар, спортгъа багъыш­лангъан викторина да болажакъ.

Фестивальны ачылывунда ДР-ни спортгъа ва физкультурагъа къарай­гъан министрини орунбасары М. Рабаданов, ДР-ни жагьиллени ишлерине къарайгъан министрини орунбасары А. Безрукова, билим беривге ва илмугъа къарайгъан министрини орунбасары Н. Магьамматов, ярышланы баш судьясы, Олимпия оюнланы ортакъчысы М. Ибрагьимов республикада биринчилей оьтгерилеген бу агьвалатны  ортакъчыларын къутлап сёйледи.  Яш спортчулагъа уьстюнлюклер ёрагъандан къайры да, бизин респуб­ликаны студентлерини арасында шу ёрукъдагъы ярышлар гьар йыл мердешли кюйде оьтгерилежегин ташдырды. 

«Дагуниверсиада -2014» декабр айны 20-сы болгъунчагъа узатылажакъ. Эсгерип айтгъанда, бу фестивальгъа байлавлу «Молодёжь Дагестана» деген газетде журналистлер булан прес-конференция да оьтгерилди.

Н. БАЙБОЛАТОВ.

СУРАТДА: фестивальны ачылывундан гёрюнюш.