Россиягъа янгы къошулгъан республикаланы халкъыны аманлыгъын сакълай туруп, хас асгер гьаракатгъа къошулгъанлы уьчюнчю йылгъа айланды. Шонда игитлик гёрсетгенлер абургъасыйгъа лайыкълы. Шоланы бириси – Наби Къойчакъаев.

 

Ол къуллукъ этеген асгер бёлюк биринчилерден болуп украинли миллетчилеге къаршылыкъ билдире. Миномёт расчётну командири оьзюню бёлюгю булан кёп санавдагъы юртланы миллетчилерден тазалай.

Шолай, бир юртгъа ювукъ болгъанда тиштайпа бир уьйде миллетчилер къамалгъанны ва россиялы асгерлени юрюшюн тергейгенни билдире. Наби оьзю булан экевню де алып, шо уьйге ювукълаша ва хапарсыздан гирип, шоланы тута. Украинли разведчиклер россиялы асгерлени юрюшюн токъташдыра болгъанлар.

Ол оьзюню бёлюгю булан кёп гьаракатларда ортакъчылыкъ этген, башгъа савгъатлар да алгъан.

Бир керен Наби Къойчакъаев бёлюгюне гёрсетилген районгъа барма ва шонда къамалгъан миллетчилеге къаршы атышывлар юрютме тапшурув ала. Олар бизин асгерлеге оьтмек учун ёл ачалар, тек яннавурунда тюшген топ Набини аягъын паралай. Шолай болса да, ол дав майдандан таймагъан  ва расчёту булан кёмек етишгенче дагъы да 1 сагьатлар атышып тургъан.  Н. Къойчакъаев Къоччакълыкъны ордени булан савгъатлангъан.

Дагъы асгер гьаракатларда ортакъчылыкъ этме болмасдай яралар алса да, ол ругьдан тюшмей. Набини Дагъыстанны Жамият палатасына сайлагъан, ол гьали жамият ишлер булан машгъул.

 

Бизин мухбирибиз.