Артдагъы йылларда бизин республикабызны шагьарларында ва юртларында юрюлеген къурулуш ишлер учун Россияны гьар тюрлю регионларындан такъта ва оьзге тюрлю агъач маллар кёп ташылагъаны тергевню тартмай болмай.
Россельхознадзорну Дагъыстанда иш гёреген бёлюгюню касбучуларыны сиптечилиги булан Дагъыстангъа тышдан гелтирилеген башгъабашгъа юрт хозяйство продукция йимик, агъачдан этилинген маллар да тийишли карантин тергевлерден оьтмеге гереги гьакъда билмек пайдалы. Ёгъесе, тийишли шагьатнамасыз ташылагъан малланы алдына чатакъ салынажакъ ва агъач малланы йибереген айрыча иш гёреген кампанияланы атына шо саялы хас буварыв этилинежек.
Артдагъы гезик бизин республикабызгъа Иркутстк областдан айрыча иш гёреген кампаниялар йиберген агъач материаллар тийишли карантин кагъызларсыз йиберилгени аян этилинген.
Къ. КЪАЗАКЪМУРЗАЕВ.
