Бир заралны – бир хайыры
Алдынгъы девюрлерде оьзюню гючюне базынагъан бир уьлке башгъасына асгер гюч булан зарал гелтире болгъан буса, гьали санкциялар булан къоркъутагъан кюй арагъа чыкъгъан. Американы Бирлешген Штатлары айтгъанын этеген уьлкелер булан бирче къолунда шо «савут» бар экенге базына. Санкциялар бизге къаршы чакъ-чакъда къоллана. Балики, олай гьаракат бизин осал этегенни орнуна, къуватлы этегенин англамай буса ярай.
Санкциялар, гертиден де, зараллы. Тек о заралны хайыр гелтиреген ерлери де бар. Россия йимик уллу ва къудратлы уьлкени экономикасын бузма деп этилеген санкциялар некъадар ону экономикасын беклешдире деп айтма да ярай. Неге тюгюл, бизин уьлкеде маъдан байлыкълар кёп. Таман чакъы чачыв топуракълар да бар. Агъач оьсеген орманлыкълары, отлавлукълары, денгизлери булан къайсы янындан къарасанг да, Россия йимик табиат байлыкълардан толу кюйде таъмин этилген пачалыкъ аздыр.
Озокъда, Американы Бирлешген Штатлары – дюньяда кёбюсю якъдан айтгъаны болагъан уьлке. Шо саялы да ону булан къурдашлыкъ тутма сюеген гиччи пачалыкълар, ондан кёмек излеп, ювукъ аралыкълар юрютмек учун кюйлер излеп айланма да бола. Шолай дюр де дюр. Олар олай уьйренип де къалгъан.
Россия да оьзлеге баш ийип, табигь болгъанны сюе. Тек Россия – оьзтёрече даражалыгъы булан дюньяда айтыла гелген уьлке. Олай уьлкени гиччи хоншулары да онча сюймей. Уллу пачалыкълар буса гюллей. Бирлери зарал этмек учун кюйлер излей.
Энни бизин булан Американы Бирлешген Штатлары, НАТО-ну къанатыны тюбюне гиреген пачалыкълар булан бир болуп, «Евросоюзну» да къоллап, туврадан, ачыкъ кюйде гьаракат юрюте. Санкциялар да – шо гьаракатында олар къоллайгъан аслу савут.
Озокъда, санкцияланы яман таъсирин эслемей къойма бажарылмай. Тек олай онгайсызлыкълар заманлыкъгъа болса тюгюл, уллу зараллар гелтирмей. Оьзюбюзню оьз экономикабызны беклешдирме кёмек эте. Инамлы сатыв-алыв ёлдашлар тапма имканлыкълар ача. Биз къурдашлар деп турагъан тыш уьлкелерден гелген бир-бир компаниялар, уллу къурдашындан къоркъуп бизге бет ташлай. Шону булан оьзлеге инанма ярамайгъанны да гёрсете. Олар Россияны базар аралыкъларыны уллу майданында оьзлени ерлери бош къалмайгъанны англамай буса ярай. Къайта, оьзлеге зарал болагъанны англама герек эдилер.
Россиягъа къаршы санкцияланы Американы Бирлешген Штатларыны ва оланы сёзюне амин деп турагъан Евросоюз биринчилей 2014-нчю йылны март айында билдирген эди. Тогъуз йылны ичинде гьасиллеге гёре бизин экономикагъа этилген зарал гёрюнмей. Россия йимик уллу уьлкеге онгайсызлыкълар гелтирсе тюгюл, санкцияланы оьзге заралы тиймейгени сама яхшы.
Санкциялар, гертиден де, зараллы. Тек о заралны хайыр гелтиреген ерлери де бар. Россия йимик уллу ва къудратлы уьлкени экономикасын бузма деп этилеген санкциялар некъадар ону экономикасын беклешдире деп айтма да ярай. Неге тюгюл, бизин уьлкеде маъдан байлыкълар кёп. Таман чакъы чачыв топуракълар да бар. Агъач оьсеген орманлыкълары, отлавлукълары, денгизлери булан къайсы янындан къарасанг да, Россия йимик табиат байлыкълардан толу кюйде таъмин этилген пачалыкъ аздыр.
Озокъда, Американы Бирлешген Штатлары – дюньяда кёбюсю якъдан айтгъаны болагъан уьлке. Шо саялы да ону булан къурдашлыкъ тутма сюеген гиччи пачалыкълар, ондан кёмек излеп, ювукъ аралыкълар юрютмек учун кюйлер излеп айланма да бола. Шолай дюр де дюр. Олар олай уьйренип де къалгъан.
Россия да оьзлеге баш ийип, табигь болгъанны сюе. Тек Россия – оьзтёрече даражалыгъы булан дюньяда айтыла гелген уьлке. Олай уьлкени гиччи хоншулары да онча сюймей. Уллу пачалыкълар буса гюллей. Бирлери зарал этмек учун кюйлер излей.
Энни бизин булан Американы Бирлешген Штатлары, НАТО-ну къанатыны тюбюне гиреген пачалыкълар булан бир болуп, «Евросоюзну» да къоллап, туврадан, ачыкъ кюйде гьаракат юрюте. Санкциялар да – шо гьаракатында олар къоллайгъан аслу савут.
Озокъда, санкцияланы яман таъсирин эслемей къойма бажарылмай. Тек олай онгайсызлыкълар заманлыкъгъа болса тюгюл, уллу зараллар гелтирмей. Оьзюбюзню оьз экономикабызны беклешдирме кёмек эте. Инамлы сатыв-алыв ёлдашлар тапма имканлыкълар ача. Биз къурдашлар деп турагъан тыш уьлкелерден гелген бир-бир компаниялар, уллу къурдашындан къоркъуп бизге бет ташлай. Шону булан оьзлеге инанма ярамайгъанны да гёрсете. Олар Россияны базар аралыкъларыны уллу майданында оьзлени ерлери бош къалмайгъанны англамай буса ярай. Къайта, оьзлеге зарал болагъанны англама герек эдилер.
Россиягъа къаршы санкцияланы Американы Бирлешген Штатларыны ва оланы сёзюне амин деп турагъан Евросоюз биринчилей 2014-нчю йылны март айында билдирген эди. Тогъуз йылны ичинде гьасиллеге гёре бизин экономикагъа этилген зарал гёрюнмей. Россия йимик уллу уьлкеге онгайсызлыкълар гелтирсе тюгюл, санкцияланы оьзге заралы тиймейгени сама яхшы.