Бизин асгерлер Россиягъа янгы къошулгъан регионланы халкъыны аманлыгъын сакълап, хас асгер гьаракатгъа къуршалгъаны уьчюнчю йылгъа айланды. Ону ортакъчылары оьзлеге салынгъан борчланы парахат кюйде чечме бола, неге тюгюл де мунда къалгъан агьлюлери даим де тергевню тюбюнде.
Шо якъдан алгъанда Къарабудагъгент районну башчысы Магьмут Амиралиевни гьаракатын айрыча эсгерме ярай. Украина бойда юрюлеген хас асгер гьаракатдагъыланы агьлюлери огъар къайсы масъала булан гелсе де, чечилмей йиберилмеген. Сюйсе о газ, сув яда ток тартыв, ёлланы онгарыв, уьйлер этмек учун ер бермек масъала болсун, шолар тезликде чечиле.
Шо гьаракатда жанын бергенлени агьлюлерине чи тергев айрыча юрюле. Шо агьлюлени барысына да ол оьзю жаваплы къуллукъчулар булан бара ва бир байрамын да къутгъармай къатнай.
Гьали-гьалилерде ол хас асгер гьаракат юрюлегенде оьлгенден сонг Къоччакълыкъны ордени булан савгъатлангъан Расул Алиевни агьлюсюнде болду. Ол Расулну ата-анасы ва агьлюсю булан лакъырлашды, не масъаласы бар буса да чечме гьазирлигин билдирди, яшларына буса савгъатлар берди. Шолай да, ол Исмайыл Гьюсейновну ва Уллубий Сурхаевни агьлюлеринде де болду.
Ол хас гьаракат юрюлеген бойгъа нечесе керенлер кёп санавдагъы ашамлыкъ ва асгерчилеге тарыкъ маллар йиберген, «Каспий» деген гёнгюллю батальонгъа къошулмакъ учун да адамлар гьазирлеген. Шолай ва башгъа рагьмулу ишлери учун Магьмут Амиралиев бираз алда «За ратную доблесть» деген медаль ва Гьюрметлев грамота булан савгъатланды. Шо савгъатланы районну башчысына «Аданакъ» деген полигонну начальниги майор Михаил Каунов тапшурду.
Бизин мухбирибиз.
СУРАТДА: Къарабудагъгент районну башчысы М. Амиралиев.
