Россияны Савутлу Гючлерини сыдрасына асгер къуллукъ кютмек учун чакъырыв бу 2024 -нчю йыл 15-нчи июльгъа ерли узатылажакъ. Шогъар байлавлу Оборона министерлигини янындан берилген буйрукъгъа гёре ерлерде асгерге чакъырыв юрюле.
Къызылюрт шагьаргъа, Къызылюрт ва Хумторкъали районлагъа къарайгъан военный комиссариатында айрыча жанланыв гьис этиле. Мунда жагьиллерден 11 адам Магьачкъаладагъы асгерге чакъырывну жыйым пунктуна бакъдырылды.
Бу тиретде армиягъа чакъырылагъанланы арасында Къызылюрт районну Солтан Янгыюртундан Ибрагьим Датаев ва Магьаммат Магьамурзаев, Стальское юртдан Арсен Мамайханов, Хумторкъали районну Алмалы юртундан Элдар Мустапаев йимик къумукъ уланлар бар эди. Оланы Савутлу Гючлерини сыдрасына узатывда дос-къардашы, ювукълары ортакъчылыкъ этдилер.
Алибек САЛАВАТОВ.
Автор чыгъаргъан сурат.
