“Анам мени алтындыр...”
• Халкъны сеси
“Анам мени алтындыр...”
Мен Бабаюрт районну Тамазатёбе юртунда тувсам да, кёп йыллар Дагъыстандан арекде яшагъанман.
Юртдагъы орта школаны битдирдим, асгерде къуллукъ этдим. Моздокда техникумда охудум. Магьачкъалада, Аштарханда экмек ва башгъа ашамлыкъ маллар этеген комбинатларда, сонг Ханты-Мансийск округда ич ишлерде тюрлю-тюрлю жаваплы къуллукъларда ишледим.
2021-нчи йылдан берли Хасавюрт район администрацияны бёлюгюню касбучусу болуп ишлеймен. Кёп йыллар «Ёлдаш» газетни охумай тургъанман, шунда ишге тюшгенден берли, кёп сююп охуйман.
Дав ва давдан сонг къыйын тёкген адамланы гьакъында эсгерип язагъаныгъызны бек ушатаман.
Мени анам Салимат Телевовна да ерли колхозда 40 йыл ишледи, бары да авлетлерин тарбиялады, охутду ва уьйлю-эшикли этди. Мени бугюнгю маканым да – анамны яхшылыгъындан.
Анам да «Ёлдаш» газетни бир номерин де къоймай охуй, мен огъар Янгы йылда савлукъ ёрай туруп, шу сатырланы багъышлагъанман. Шоланы печатда чыгъаргъанны да сюер эдим.
«Ёлдаш» газетге уллу гьюрмет булан – Терикмурза АТЕТЕРОВ.
АНАМА
Анам мени тенглешдирсем-алтындыр,
Эркеклени артгъа салар къатындыр.
Айтгъан сёзю къатты ону темирдей,
Гёзлеринде от бар къызгъан кёмюрдей.
Мени анамда – оьзден къылыкъ, хасият,
Оьзюн тутуп бажарагъан гьар ерде.
Сени йимик аналаны, Баживюм,
Яшатмагъа герек салып лап тёрде.
Беш авлетни оьсдюргенсен аявлап,
Тарбиялап, намус-ягьгъа уьйретип.
Барыбызны тюз ёллагъа салгъансан,
Гьарибизни тындырыкълы уьй этип.
Бу сёзлерим гьакъ юрекден айтыла,
Разилигим билдирмеге, Баживюм.
Сенсен мени юрегимни исивю,
Сенсен магъа ярыкъ береген гюнюм.
Ана ёкъ гюн къарангыдыр гечедей,
Къышда йимик сувукъ болур юрек де.
Мени булан тургъанынгны сюемен…
…Таман, турдум, кёп йыл сенден арекде…
“Анам мени алтындыр...”
Мен Бабаюрт районну Тамазатёбе юртунда тувсам да, кёп йыллар Дагъыстандан арекде яшагъанман.
Юртдагъы орта школаны битдирдим, асгерде къуллукъ этдим. Моздокда техникумда охудум. Магьачкъалада, Аштарханда экмек ва башгъа ашамлыкъ маллар этеген комбинатларда, сонг Ханты-Мансийск округда ич ишлерде тюрлю-тюрлю жаваплы къуллукъларда ишледим.
2021-нчи йылдан берли Хасавюрт район администрацияны бёлюгюню касбучусу болуп ишлеймен. Кёп йыллар «Ёлдаш» газетни охумай тургъанман, шунда ишге тюшгенден берли, кёп сююп охуйман.
Дав ва давдан сонг къыйын тёкген адамланы гьакъында эсгерип язагъаныгъызны бек ушатаман.
Мени анам Салимат Телевовна да ерли колхозда 40 йыл ишледи, бары да авлетлерин тарбиялады, охутду ва уьйлю-эшикли этди. Мени бугюнгю маканым да – анамны яхшылыгъындан.
Анам да «Ёлдаш» газетни бир номерин де къоймай охуй, мен огъар Янгы йылда савлукъ ёрай туруп, шу сатырланы багъышлагъанман. Шоланы печатда чыгъаргъанны да сюер эдим.
«Ёлдаш» газетге уллу гьюрмет булан – Терикмурза АТЕТЕРОВ.
АНАМА
Анам мени тенглешдирсем-алтындыр,
Эркеклени артгъа салар къатындыр.
Айтгъан сёзю къатты ону темирдей,
Гёзлеринде от бар къызгъан кёмюрдей.
Мени анамда – оьзден къылыкъ, хасият,
Оьзюн тутуп бажарагъан гьар ерде.
Сени йимик аналаны, Баживюм,
Яшатмагъа герек салып лап тёрде.
Беш авлетни оьсдюргенсен аявлап,
Тарбиялап, намус-ягьгъа уьйретип.
Барыбызны тюз ёллагъа салгъансан,
Гьарибизни тындырыкълы уьй этип.
Бу сёзлерим гьакъ юрекден айтыла,
Разилигим билдирмеге, Баживюм.
Сенсен мени юрегимни исивю,
Сенсен магъа ярыкъ береген гюнюм.
Ана ёкъ гюн къарангыдыр гечедей,
Къышда йимик сувукъ болур юрек де.
Мени булан тургъанынгны сюемен…
…Таман, турдум, кёп йыл сенден арекде…