Бугюнлерде Къандавуравул юртдагъы орта школада Ана тиллени халкъара гюнюне багъышлангъан гьаракат оьтгерилген. Эсгерилген охув ожакъда билим алагъан яшлар жагьлы кюйде ортакъчылыкъ этген шо гьаракатгъа билим беривню район управлениесини ана тиллени муаллимлерини ишлерине къарайгъан баш касбучу К. Висайтаева, олай да ботаюртлу А. Болатов чакъырылып гелген.
Оьтгерилген гьаракатны барышында охувчу яшлар машгъур шаирлени ана тилни алгъышлайгъан шиъруларын охугъан, жыйылгъанланы къурчун къандырагъан милли макъамлагъа гёре бийип,йырлап алгъан.
Шону булан бирге ана тилни билмекни ва уьйренмекни агьамиятлыгъы гьакъында айтылгъан. А. Болатовгъа оьзю язгъан шиъру сатырлар булан школаны охувчуларын ва муаллимлерин таныш этмеге имканлыкъ берилген. Къандавуравул юртдагъы орта школаны ёлбашчысы Г. Арсланбекова оьзюню гезигинде оьтгерилген гьаракатгъа гелген къонакълагъа ва шону барышында жагьлыкъ гёрсетген яшлагъа разилигин билдирген. Шо гьакъда Хасавюрт районну билим берив управлениесини Telegram-каналында малим этилген.
