Артдагъы йылларда Буйнакск районну Эрпели юртундагъы орта школада билим алагъан уланлар ва къызлар республика оьлчевде оьтгерилеген гьаракатларда да бир тюрлю уьстюнлюклеге етишип геле.
Оьзлеге муратгъа къыйышывлу терен ва мукъаятлы билимлер бермеге белсенген муаллимлерини къастын бошуна гетмеге къоймай. Оланы рази къоягъан, тенглилерин сукъландырагъан кюйде билимлерини сан янын да, бажарывлугъун да малим эте. Шолай, оьрде эсгерилген охув ожакъны 11-нчи класында билим алагъан Али Батырмурзаев пагьмулу яшлар булан иш гёреген «Альтаир» деген республика центрында тамамлангъан «Язбаш -2024» деген гьаракатыны физкультура тиретинде алдынлыкъ алгъан.
Эрпелидеги орта школаны Telegram-каналында шо гьакъда билдирилген. Биз де Алини етишген уьстюнлюгю булан къутлап, огъар гележекде де оьрлюклер ёрайбыз.
Насрулла БАЙБОЛАТОВ.
