ДР-ни Халкъ Жыйынында биринчи масъалагъа байлавлу болуп законланы ва пачалыкъ къурулушуну масъалаларына къарайгъан комитетини председатели Фикрет Ражабов разилешив (мировой) судьяланы 6 кандидатурасын тавушгъа салып къабул этилди.
Шондан сонг депутатлар адамланы ихтиярларын якълайгъан ДР-ни вакили-омундсен Уммупазил Омарованы ва Гьисап берив палатаны председатели Билал Жапаровну докладлары булан таныш болду.
«Дагъыстанны табии байлыкъларыны гьакъында» деген гюнлюк низамгъа салынгъан масъалагъа байлавлу болуп комитетни председатели Фейрудин Ражабов да гьисап берди.
Сесcияда «ДР-ни пачалыкъ савгъатларыны гьакъында» деген законгъа алмашынывлар этмек учун гьазирленген проект де арагъа салынып ойлашылды.
ДР-ни Халкъ Жыйыныны гезикли сессиясында «гьакимиятлыкъ сагьаты» деген ёрукъда онгарылгъан маълумат булан ДР-ни Гьукуматыны Председателини заместители Раюдин Юсупов ону ортакъчыларын таныш этди.
Оьз мухбирибиз.
