Савлай уьлкебизде йимик, артдагъы йылларда бизин республикабызда да къурулуш ишлени сан янын къолайлашдырывда янгы къайдаланы къоллавгъа айрыча агьамият берилегени негьакъ тюгюл. Неге десегиз, къурулушланы тармагъында чалышагъан компанияланы санаву бир кюйде турмай. Шо саялы да оланы барысыны да бирни йимик чалышывун ахтарма ва натижаларын сынавда аян этмеге таклиф этиле.
Къоллавчуланы ва охувчуланы талапларын гьисапгъа алып, шо ишде гьалиги заманда башында Дагъыстанны Гьукуматыны сиптечилиги булан ДР-ни къурулуш ва яшавлукъ-коммунал министерлиги, комитети, Магьачкъала шагьар администрацияны тийишли къуллугъу «Гильдия строителей СКФО» йимик къурумланы талапларын гьисапгъа алып, «АНЖИЭКСПО» деген компания гьар тюрлю оьлчевде выставкалар оьтрегени мердешге айлангъан.
Бу гезик эсгерилген компанияны ва шолай да республика выставка центрыны кюрчюсюнде къурум комитети апрелни 11-13-нчю гюнлеринде Магьачкъалада милли республика китапханада выставка оьтгермеге токъташгъан. Шогъар байлавлу болуп бугюнлерде къурум комитетни ортакъчылары республикабызны маълумат къуралларыны вакиллерин чакъырып прес-конференция оьтгерген.
Белгили болгъан кююнде, выставкада 30-дан да кёп къурулуш компаниялар ортакъчылыкъ этмеге разилигин билдирген. Выставкада 10-дан да кёп хас бёлюклер гьазирленип юрюлежек. Шону оьлчевюнде «дёгерек столлар», сынав алышдырыв генгешлер ва башгъа тюрлю ял алыв чаралар да оьтгерилежек деп къаравуллана.
Выставкаланы аслу мурады къурувчулагъа ва къоллавчуланы талапларын гьисапгъа алып, къурулуш ишлерде ортакъчылыкъ этеген далапчы тайпаланы ва гьакимият къурумланы арасындагъы байлавлукъланы беклешдирив ва лап да асувлу проектлени арагъа-пайдаландырывгъа чыгъарыв болуп токътай.
