Республиканы Башчысы Владимир Васильевни Дагъыстан Республиканы Халкъ Жыйынына Чакъырыву гьар-бир янындан да яшавгъа чыгъарылма герекли борчлар деп айтма тарыкъ. Дагъыстан Республиканы Гьукуматыны Председатели Артём Здунов эсгерген кюйде, республиканы Башчысыны Чакъырывуна гёре бары да ёлларда, республиканы Парламентини де ортакъчылыгъы булан, жамият къурумланы да къуршап, тындырыкълы план гьазирленежек. Этилме герекли ишлер кёп.
«Озокъда, гьаракат бир йыл булан тамамланып битмес. Тек бу йыл биз Чакъырывну масъалаларын яшавгъа чыгъармакъ учун бары да болагъан ишибизни этежекбиз.
Харжы аз адамлагъа бермеге тийишли квартирлени программасын яшавгъа чыгъармакъ учун да къолубуздан гелеген къуллукъну кютежекбиз», – деп билдирген Дагъыстан Республиканы Гьукуматыны Председатели Артём Здунов.
