Халимбекавулда мороженоени тюрлю-тюрлюлерин чыгъарагъан «Айслэнд» фирманы заводу бар. Районну, шагьарны халкъына оьзлени продукциясын болдурагъандан къайры, бу завод 30-дан да артыкъ адамны иш булан таъмин эте. Ишлейгенлени кёбюсю – халимбекавуллулар.
«Айслэнд» фирманы филиаллары Дагъыстанны бары да шагьарларында да, Мычыгъыш Республикада да бар. Ону баш директору Калимат Болатова ата юрту Халимбекавулда бек арив ва уллу мадраса къургъанлы кёп йыллар бола. Онда гьали 100-ге ювукъ яш охуй. Мадрасаны бары да къуллугъун кютмек учун чыгъарылагъан харж да «Айслэнд» фирманы яхшылыгъындан амалгъа геле. Мунда охуйгъан яшлар къылыкъ- тарбия янындан да оьзлени англав даражасын камиллешдире.
Калимат Шапиевна (огъар юртлулар гьажи-къатын Калимат дей) гьар йыл гьажгъа барагъанлагъа да болагъан кёмегин эте.
