Школагъа аты къоюлгъан игит


       2005-нчи йыл халимбекавуллу Аскер Аскеровгъа Россияны Игити деген ат берилген. Шо вакъти огъар 25 йыл бола болгъан. Юртдагъы школагъа ону аты къоюлгъан.



Бир гюн Буйнакск районну милиция бёлюгюне бир адам Унцукульгъа бара- гъан ёлдагъы тоннелни бандитлер атылтмакъ учун онгарыла деп билдирген. Старший лейтенант Аскеров, ёлдашлары да булан шо ерге барып, гертиден де, биревлер жинаятчылыкъ ишлер юрютме турагъанны эс эте. Бирисин Аскеров тута, автоматын, пистолетин чыгъарып ала ва шо вакъти олардан экев агъачгъа багъып къачып гетип барагъанны гёре. Тутгъан адамны ёлдашларына къоюп, оьзю оланы артындан чаба. Атышыв башлана. Аскеровгъа яра тие. Тек ол бандитни тутуп атылтма онгаргъан алатын чыгъарып ала ва ону бир якъгъа ташлайман деп айланагъанда, ону юрегине яра тие. Больницагъа етишмейли ол гечине.


Буссагьатгъы вакъти юртдагъы школада Аскер Аскеровну музей уью де бар. Онда дарслар да юрюле. Яшлар учун игитни гьюнери уьлгю болуп токътажагъына шек ёкъ.


Россияны Игити Аскер Аскеровгъа школаны абзарында салынгъан эсделик памятник де бар.

Авторизация
*
*
Регистрация
*
*
*
Согласны с условиями сайта?
Генерация пароля