Яшлар бавуна гьай этив тарыкъ


       Оьтемиш юртда яшлар баву ерли совхозну яхшылыгъындан 80-нчи йылларда къурулгъан. Бинасы алаша ва эсги. Тек ичи-тышы булан таза ва арив онгарылгъан. Ишлейгенлени гьаракаты да гёрюнюп тура.

 


Заведующийи Зульфия Алиева булан лакъыр этме бажарылмады. Ол, бир къуллукъгъа чыгъып, ёкъ эди. Тарбиялавчу Айтетей Магьамматова англатгъан кюйде, гелеген яшланы санаву 38-ден кёп тюгюл. Яшын салма сююп гелгенлеге уллу юртларда ва шагьарларда йимик: «Ерлер ёкъ, алып болмайбыз», – деген сёзлер мунда къолланмай. Ким сюйсе, ишлемей буса да, яшын юртдагъы яшлар бавуна йиберме бола. Гюнде уьч керен аш бериле. Ерли ГУП сакълайгъан гьайванланы сю­тюню хайыры яшлагъа да тие. Ойнайгъан, ашайгъан, ял алагъан ерлери де таза ва тийишли кюйде сакълана.


Яшлар бавунда кёпден берли ишлейгенлени арасында Асият Ижиева, Рагьимат Арсланбекова, Асият Исаева, Ажий Гьажиева, медсестра Элиза Магьамматова биринчилерден эсгериле.


Ремонтланы оьзюбюзню гючюбюз булан оьз харжыбызгъа оьтгеребиз дей бу яшлар идарасыны къуллукъчулары. Район гьакимлени янындан гьай этив ёкъ деп кант этмесе де, булай да бары да зат англашыла. О гьакъда олар оьзлер де чи билмей тюгюлдюр…

 

Авторизация
*
*
Регистрация
*
*
*
Согласны с условиями сайта?
Генерация пароля