Атасыны ёлу булан

Тёбен Къазаныш участка больницада Мурат Закарьяев 1986-нчы йылдан берли докторлукъ касбуну юрюте. Савлукъ сакълав тармакъда 30 йыллар стажы булангъы оьр даражалы врачлар аз буса да бар, ёлугъа. Тюзюн айтсам, гьали янгы мединститутну битдирип иш башлагъанлагъа инамлыкъны гьакъында ойлашмагъа тюше деп эсиме геле.

Муратны атасы Дагъыстанны ат къазангъан врачы Шамсутдин Закарьяев де районда айтылгъан доктор эди. Участка больницагъа ону аты къоюлгъан. Энни уланы да атасыны ёлун давам эте. Мурат уьч йыл юртдагъы больницаны терапия бёлюгюню заведующийи болуп да ишледи. Гьали–юрт участка врач.

Буйнакск районда 1960-нчы йылда биринчилей Тёбен къазаныш юртда ачылгъан участка больницаны баш врачы болуп Шамсутдин Акаевич Закарьяев белгиленген болгъан. Ол шо къуллукъда 1985-нчи йыл болгъунча гьаракат юрютген.

Сонггъу йыллар 2003-нчю йылгъа ерли Шамсутдин Закарьяев ата юртундагъы шо участка больницада терапия бёлюкню заведующийи болуп ишлеген. Ону къазанышлылар юртда биринчи доктор деп де таный эди.

Шамсутдин Закарьяев ва ондан къалгъан улан Мурат Закарьяев Тёбен Къазанышда юртлуларыны гьакъ юрекден этилеген разилигин де, алгъышларын да кёп керенлер къазангъан. Оланы хасиятлары да бир-бирине ошай. Мурат да – аз сёзлю, касбусун мекенли билеген, гьар-бир аврувгъа, ким экенин ахтармайлы, теренден тергев этип янашагъан врач. Инг аслусу, атасы йимик ол да яш наслугъа уьлгю болуп бажарагъан адам.

Авторизация
*
*
Регистрация
*
*
*
Согласны с условиями сайта?
Генерация пароля