«Лайла тёбе» устахана

Тёбен Къазаныш буссагьатгъы вакъти устаханалары булан Дагъыстандан тышда да белгили. Мунда стол-шанжал этеген устаханалар кёп. Оланы бирлерине чи «фабрикалар» деп айтса да ярай. Инг башлап къурулгъаны – «Лайла тёбе», хыйлы йылланы узагъында мекенли агъач ишлери булан алывчуну разилигин къазангъан. Ону къургъан ва юрютюп турагъан – Гьайбулла Дадаев.

Бу устахананы гьакъында айта туруп, ону халкъ учун пайдалы болгъан ерлерин де эсгерме тюше. Биринчилей, Гьайбулла Дадаев къазанышлыланы агъач усталыкъ ёлгъа бурулуп, ону пайдасын алмагъа уьйретди деп айтса да ярай. Ону булан ишлеп, уьйренип, хыйлы къазанышлылар оьзлер де айрыча устаханалар ачмагъа ёллар тапды. 

Экинчиси – Гьайбулла гёрсетген намуслукъ. Ол биринчи гюнлерден башлап, этилген ишин яшырмай, налог гьакъланы тюзевлю къайдада тёлеп тура. Къазанышдан тышда да налоглар тёленмесе де ярай деп ишлейген устаханалар, оьзге тюрлю далапчылыкъ ишлер юрютегенлер де аз тюгюл. Тек ону гележеги ёкъ. Пачалыкъны гьалиги «капиталист» ёлунда налогланы яшырмакъ жинаятчылыкъ деп санала. Халкъ шогъар уьйренежеги ачыкъ.

 Гьайбулла шолайлагъа уьлгю гёрсете буса да ярай. Нечик алай да, «Лайла тёбе» устаханасы Къазанышны бугюнгю яшавунда болсун деген предприятие экени белгили. Устаханада нече адам иш булан таъмин болагъанны гьакъында айтса да, ону агьамиятлыгъы дагъы да мекенли англашылажакъ

Авторизация
*
*
Регистрация
*
*
*
Согласны с условиями сайта?
Генерация пароля