Яхсайда аты кёп эсгерилеген идараланы бириси – школа интернат да дюр. Мунда сакъат яшлагъа охума ва бир-бир саниятлагъа уьйренме бек онгайлы имканлыкълар ачылгъан. Яшлар Дагъыстанны оьзге районларындан, шагьарларындан да геле, мунда охуй, яшай.

 

Ону директору Мая Салаватова да юртда инг де кёп эсгерилеген адам буса ярай. Ол кёп йылланы узагъын­да интернатны ишин яхшылашдырыв бу­лан бирче ата юртуну бугюнюне, ге­лежегине де къолундан гелген яхшылыгъын этип юрюген. Ону таныйгъанлар о гьакъда эсгерилеген пикруларын яшырмай. Юртлулары ону кёп керенлер юрт советге, район жыйынгъа да депутат этилип сайлагъан.

Мая Салаватова – Россия Федерацияны ат къазангъан учители, педагогика илмуланы кандидаты, «Дослукъ» ордени булан да савгъатлангъан. Школа- интернат буса ичи-тышы булан заманны талапларына гёре тындырыкълы онга­рылгъандан къайры, охутув, тар­биялав иши булан да бу къалипде ча­лы­шагъан билим берив идараланы арасында инг яхшыларындан санала.