Дагъыстанда биринчилей оьр охув ожакъ ачгъан


        Гьели юртдан чыкъгъан инг гёрмекли адамланы бириси – Даниял Гьасанагъаевич Шанавазов. 1931-нчи йыл Дагъыстанда биринчилей оьр-охув ожакъ ачгъан адам. Магьачкъалада пединститутну биринчи директору болгъан , КПСС-ни Дагъыстан обкомунда ишлеген, билим берив министри болгъан, 1941-нчи йыл гёнгюллю кюйде фронтгъа гетген. Кёп орденлер, медаллар булан савгъатлангъан.



Давдан сонггъу йылларда да ол Дагъыстан пачалыкъ университетни политэкономика ва философия кафедрасыны заведующийи болуп ишлеген. Ону анасы Шагьанханым – Уллубий Буйнакскийни къызардашы, атасы Гьасанагъа инкъылапдан алдагъы вакъти Гьели юртну старшинасы болгъан.


Даниял Шанавазов 1905-нчи йылда тувгъан. Яш вакътисинден берли де билим алма гьасирет улан 1927-нчи йыл школаны битдирип, Москвагъа коммунист тарбияны академиясына охума тюше. 1931-нчи йыл шо охув ожакъны тамамлай, оьр охув ожакъларда политэкономика дарсланы юрютме ихтиярлы диплому булан Дагъыстангъа къайта ва оьзюню педагогика гьаракатын башлай. Шо вакъти республикада оьр охув ожакълар болмагъан.


Даниял Гьасанагъаевич 1950-нчи йыл болгъунча СССР-ни Асгер гючлеринде къуллукъ эте ва шо къуллукъну подполковник чин булан тамамлай. 1954-нчю йыл экономика тармакъда алим диссертация якълай. Ол 53 йыллыкъ чагъында гечине.


Оьмюрю узакъ болмаса да, Шанавазов республиканы гележеги ярыкъ болсун учун кёп къуллукъ этген адам гьисапда белгили.

 

 

Авторизация
*
*
Регистрация
*
*
*
Согласны с условиями сайта?
Генерация пароля