Тереклер орнатылды

8 ноября 2013 в 11:50 1046
Прочту позже
Тереклер орнатылды
Онда язылгъан кюйде, сонгугюн бютюндагъыстан субботник оьтгериле ва шонда Хасавюрт районну халкъы ортакъчылыкъ этме гереклиги гьакъда айтыла эди.
Хасавюрт агъачлыкъ хозяйствону ёлбашчысы Багьавдин Мамаев билдирген кюйде, шо гюнге орнатмакъ учун 3500 терек онгарылгъанны ва агъачлыкъ къуллукъчулардан жаваплы адамлар гёрсетилгенни айтды.
– Аслу гьалда яш тереклер больницаланы, клубланы, давда къалгъанлагъа салынгъан эсделиклени ва школаланы айланасында орнатылма герек, – деди З.Боташев. – Шо ишге каникулларда буса да, яшланы ва юртланы активин къуршама ярай.
Айтгъанда йимик, ноябр айны 2-нде районда 3000 терек орнатылды, шолардан 400-ю – больницаларда ва амбулаторияланы айланасында. Сёз ёругъуна гёре айтсакъ, язбашдан берли Хасавюрт агъачлыкъ хозяйствону ва юртлуланы гьаракаты булан районда 68 минг яш терек ва бёлек орнатылгъан, сонг да 10 гектар ерге эмен терек орнатылгъан.
Хасавюрт район админист­рацияны башчысыны кёмекчиси А.Акъавов айтгъан кюйде, гёрсетилгенден къалгъан 500 терек де жуманы ичинде орнатылажакъ.

Г.БЕК.
Суратда: яшлар школаны абзарында
тереклер орната.