«Победа» «Уьйташда» иш башлады...

16 января 2015 в 12:49 1486
Прочту позже
«Победа» «Уьйташда» иш башлады...


Бугюнлерде Магьачкъала аэропортну къуллукъларындан пайдаланагъан къоллавчулар-къурумлар учун онгайлы ёллар ахтарыла ва гьар тюрлю авиакомпаниялар булан  къоллавчуланы талапларын гьисапгъа алып, дыгъарлар этиле. Шолайлыкъда, бу йыл январ айны 15-нде Москвадан учуп гелген аэрофлотну табилигинде иш гёреген «Победа» деген авиакомпанияны биринчи бюджет къайдалы рейсини самолёту да «Уьйташгъа» къонду…

Магьачкъала аэропортну прес-къуллугъу ва шолай да биринчи рейсни ортакъчысы, гьава гемени командири шо гюн республикабызны маълумат къуралларыны вакиллерине баянлыкъ берди. Шону натижасында къоллавчулар уьюнден туруп яда буса ишинден таба «Победа» деген авиакомпанияны сайтындан билетлени, заманын тас этмейли, учуз багьаларына сатып алмагъа бола­гъаны ачыкъ болду. Демек, билетлени ким алда талап этсе, шолагъа авиация къуллукълар бир къадар учуз токътажакъ.

«Победа» деген авиакомпанияны самолёту шо гюн «Уьйташдан» пассажирлени де алып уьлкебизни тахшагьарына ёл чыкъды. Учувуну алдында эсгерилген кампанияны лётчиклерине ва пассажирлерине, оланы оздурагъанлагъа къошулуп биз де яхшы ёл ёрадыкъ.

 

 

 

Къ. КЪАРАЕВ.

Автор чыгъаргъан сурат.