Заман талап эте


        Буссагьатгъы вакъти инсанлар учун яшавлукъда инг де тарыкълы затланы бири – арив этилип онгарылгъан машин ёллар. Бир ерден башгъа ерге бармакъ учун ёл чыкъгъанланы нечик-мечик буса да этилген ёллар рази къалдырмагъа болмай. Бир-бир жамият гьаракатчылар Россиядагъы ёллар тийишли даражада тюгюл деп нечакъы уллу зенглер къагъа турса да, ёлланы гьазир эпге гелтирмеге болагъан иш тюгюл. Россия – дюньяда лап уллу уьлке. Федерал проектлеге гёре Россияны къайсы регионларында да ювукъ йылланы ичинде ёллар яхшы янына алышынажагъы шеклик тувдурмай. Яхшы ёллар адамланы яшав шартлары къолайлашма башлагъанын гёрсетеген бир белги де дюр. 



Машин ёлланы гележекде де мекенли этип онгаражагъына инаныв болдурагъан себеплер бар. Бириси – ёллар пачалыкъгъа бек тарыкъ экени. Пачалыкъ талаплагъа гёре тизив ёллар бир ерден малланы башгъа ерге ташымакъ учун бек гьажатлы. Ондан къайры да, яхшы ёллары бар республика яда шагьар, оьзю де бир башгъача мукъаятлы болуп гёрюне.


Ёлларда хатабалагьланы алдын алмакъ учун ёлланы сан янын болдурмаса ярамай. Шо буса пачалыкъ янындан тергевсюз къалма болагъан иш тюгюл.


Машин гьайдавчулар Дагъыстанда оьзге ерлерден кёп буса ярай деп эсиме геле. Шагьарланы айтмагъанда да, энни юрт ерлерде яшайгъан эсли адамланы да гьарисини бирер машини бар деп айтсам, янгылыш болмайман.


Ёлланы сан янына пачалыкъны янындан этилеген тергев гюн сайын арта барагъаны эс этиле. Машинлени кёп артып тербейгени ёлларда низамны беклешдирмекни, ёлларда онгайлыкъланы болдурмакъны масъалаларына пачалыкъны янындан къолай тергевню де талап эте.


Дагъыстан Республикада яшавгъа чыгъарылагъан «Безопасные и качест-венные автомобильные дороги» деген милли проектни мурады, озокъда, гьар шагьарда да, районда да, юртларда да ёлланы арив ва мекенли этип онгар­макъ. Булай гьаракат Россияны Президентини 2018-нчи йыл май айны 7-синдеги Указы чыкъгъан сонг айрада жанланды. Къабул этилген программалар 2024-нчю йыл болгъунча яшавгъа чыгъарылажакъ.

Авторизация
*
*
Регистрация
*
*
*
Согласны с условиями сайта?
Генерация пароля