Дагъыстан телеберилишлени янгы къайдасына гьазир бола

Дагъыстан телеберилишлени янгы къайдасына гьазир бола



        Дагъыстан янгы телевидение берилишге нечик гьазир болагъанны гьакъында регионну Башчысы Владимир Васильевни ортакъчылыгъы булан оьтгерилген гезикли генгешде айтылгъан.


Шо темада аслу доклад булан Дагъыстан Республиканы маълумат ва байлавлукъ министри Сергей Снегирёв сёйлеген.


Ол айтгъан кюйде, Дагъыстанны аслу телеканаллары цифра берилишге бу йылны октябр айыны 14-ю болгъунча гьазирлик гёрюв ишин тамам этме герек. Дагъыстанда шо ишни этмек учун регион штаб къурулгъан. Ону вакиллери гьар уьйге гирип, цифра телевидениеге чыкъма имканлыгъы ёкъ ожакъланы аян эте. Шолай ожакълар бизде 6 мингге ерли бар. Ондан къайры да 164 имарат ишге гиришген. Телевидениени цифра берилишине Дагъыстанны 98 процентин чыгъарма герек. Штаб Магьачкъалада, Буйнакскиде, Къызларда ва Дербентде шо ишни этме тийишли вакиллер булан зона генгешлер оьтгерген.


Ондан сонг, С.Снегирёв чечилмеген масъалаланы уьстюнде де токътагъан. Оланы арасында оьз харжы булангъы ожакълагъа цифра телевидение учун алатлар алмагъа акъча берме герек бола. Кёмек тарыкъ ожакълар аян этилген, олар 4810 бар, оланы 4348-и цифра телевидение тутагъан зонада ерлешинген, 462-си телевидение тутагъан зонадан тышда ерлешген. Кёмек харжлар 9,7 миллион манатны оьлчевюнде болажакъ.


Владимир Васильев айрокъда уллу чагъындагъы адамланы арасында англатыв иш юрютме герекни гьакъында айтгъан.



Бизин маълумат.