Школалагъа – янгы автобуслар

Школалагъа – янгы автобуслар



Дагъыстан Республиканы билим берив ва илму министерлигини прес-къуллугъу билдиргенге гёре, 10 йыл алда къоллавгъа берилген школа автобуслары янгыртылажакъ. Школалар учун янгы автобуслар Магьачкъала, Избербаш, Къызлар шагьарлагъа ва республиканы 28 районуна берилежек деп къаравуллана.

 


Министерликни прес-къуллугъуну айтывуна гёре, школаланы автопаркларын янгыртывгъа Дагъыстан 186,5 миллион манат харж алажакъ:

 

«Дагъыстанда 610 школада автобуслар бар, тек бир автобусу да ёкъ школалар да бар. Районланы ва шагьарланы ёлбашчылары берген арзалагъа гёре 150 школа автобуслагъа харлы»

 

ДР-ни Башчысы В.Васильев РФ-ни Президенти В.Путин булан ёлукъгъан сонг бу йыл школалар учун 95 автобус алмагъа акъча берилежегин билдирген.

 

 

Бизин мухбирибиз.