Маълумат низамны болдурма кёмеклеше

Маълумат низамны болдурма кёмеклеше



Бизин республикабызны районларында ва шагьарларында яшавлукъ учун ва оьзге тюрлю гьажатлагъа харлылыкъда амалгъа гелеген къурулушланы низамын токъташдырыв гьалиги заманда агьамиятлы масъала санала. Неге десегиз, низам къорулмайгъан ерде къоллавчуланы талапларын, къуллукъларын яшавгъа чыгъарыв да аста юрюле.

 


«Шагьарлардагъы къурулушланы низамын токъташдырывда маълумакъ тармакъны ери» деген темагъа байлавлу болуп артдагъы гюнлерде Магьачкъалада гьакълашыв жыйын оьтгерилди. Гюнлюк низамгъа байлавлу болуп тахшагьарыбызны администрациясыны шагьар къурулушланы ва архитектура масъалаларына къарайгъан къурумуну башчысы Незир Гьусейнов доклад этди.


Ол арагъа салынгъан масъалагъа гёре оьзюню маълумат беривюнде къурулуш ва архитектура низамны пайданландырывда четим этеген кемчиликлени ва шоланы алдын алагъан ёлланы гьакъында толу кюйде баянлыкъ берди.


Неге десегиз, кърулушланы низамы къорулмайгъан ерлерде яшавлукъ къуллукъланы кютювню масъаласы да четимлеше. Демек, сув, газ тартыв ишлер ва оьзге тюрлю къуллукълар акъсай.


Маълумат тармакъны низамын ёрукълашдырыв, ДР-ни маълумат, байлавлукъ министри Сергей Снегирёв де эсгерген кюйде, бугюнню аслу масъаласы. Шону учун бизин республикабызда да Тюмен бойларда токъташдырылгъан низамны сынавун юрютювге тергев бермеге тюше.