В. Васильев Дагъыстанда эсделикни аллеясын къурмакъны таклиф эте

В. Васильев Дагъыстанда эсделикни аллеясын къурмакъны таклиф эте


Дагъыстан Республиканы Башчысы Владимир Васильев гьакимият къурумланы ва муниципал къурулувланы ёлбашчылары булан бирче оьтгерген генгешинде республикада Эсделикни аллеясын къурмакъ деген масъаланы агьамиятлыгъыны гьакъында айтгъан.


Ол эсге салгъан кюйде, халкъара террорчулар Дагъыстангъа гирген вакътиден берли 20 йыл тамамлана. В.Васильев шо агьвалатланы эсде сакъламакъ учун онгайлы ерлерде гиччирек аллеялар къурмакъны таклиф этген.

«Алда – гюз, терек салма яхшы заман. Бизге Дагъыстанны гьава шартларына къы­йышывлу оьсюмлюклер герек. «Даглесхоз» булан аралыкъ тутуп, шо масъаланы яшавгъа чыгъарма тарыкъ», – деп билдирген Дагъыстан Республиканы Башчысы. Шо ишни яшавгъа чы­гъармакъ учун ол жагьил адамланы да къуршама герегин англатгъан.

Ол дагъы да эсгерген кюйде, яшыллыкълар бар ерлер жагьиллеге бек тарыкълы. Неге тюгюл оланы наслусу гьалиденокъ оьзлени яшавлукъ шартларын тарыкълы кюйде онгарып билсе, гележекде оьзлеге пайдалы болажакъ.



Максим ЭСЕНБИЕВ.