–Давдан сонггъу йыллар яшав этме тынч тюгюл эди. Уллулагъа къошулуп биз, яшёрюмлер де, авлакъ ишлерде: бичен топлавда, будай, гьабижай къайтарывда, емиш жыйывда, сугъарывда оьз къошумубузну болдура эдик. Гьалиги пакарсыз, ялгъан, ялагъайлы, башалман вакътиде халкъ топуракъдан уьркген, сатыв-алывну, оьз пайдасыны гьайында. Табиатны байлыгъы тюгюлмю берекетни башы, огъар немкъорай янашмакъ – Ватанына арт бергенден артыкъ, – дей, сёзюн узата туруп, Расул Байрашов.
Яллыкъны билмейген абурлу муаллим къысматына къаршы тюгюл. Яшлайын юрегине тутгъан механизатор боламан деген мурады Буйнакск шагьардагъы юрт хозяйство техникумну битдирген сонг яшавгъа чыгъа.
Мыйыгъы янгы гёгерип гелеген Расул Байрашов ватандаш борчун дос Украинада кютюп, ата юртуна къайта. Арадан кёп де гетмейли, Расул Байрашовну Хасавюртдагъы СПТУ-2 профтехучилищеге мастер гьисапда ишге ала.
Йылдан-йылгъа яхшы сынав топлана, коллективни арасында абур къазана, яшёрюмлени насигьатчысы болуп чалыша. Училищеде ишлей туруп, Новочеркаск шагьардагъы инженер-мелиорация институтну битдирип, 1983-нчю йылда муаллимни касбусуна ес бола.
Расул Маматович – бажарывлу муаллим, аттестация комиссияны члени, халкъгъа билим беривню отличниги. Бир нече гьюрметлев грамоталагъа, башгъа савгъатлагъа лайыкълы болгъан.
Расул Маматовични иш ёлдашы муаллим Магьаммат Магьамматов бирче ишлеген ёлдашыны гьакъында булай дей:
– Магъа ишин оьр даражада юрютюп болагъан, жамият ишлерде гьар даим де ортакъчылыкъ этип юрюйген, ёлдашлары булан бек гелишли Расул Маматович булан 47 йыл бирче ишлеме насип болду. Гьали де Расул Байрашов ишден сонггъу бош заманын бав-бахчада йибере. Ол оьсдюрген емиш береген бавлар кимни де сукъландыра. Уьягьлюсю Маржан булан бирликде Расул Байрашов 5 авлетни оьсдюрген ва тарбиялап, тюз ёлгъа салгъан. Яшларыны авлетлери де уллатасы ишден гелегенни гёрюп: «Ата геле, ата», – деп, алдына чабып къаршылай, сююнчюне сююнч къоша.
Яллыкъны билмейген абурлу муаллим къысматына къаршы тюгюл. Яшлайын юрегине тутгъан механизатор боламан деген мурады Буйнакск шагьардагъы юрт хозяйство техникумну битдирген сонг яшавгъа чыгъа.
Мыйыгъы янгы гёгерип гелеген Расул Байрашов ватандаш борчун дос Украинада кютюп, ата юртуна къайта. Арадан кёп де гетмейли, Расул Байрашовну Хасавюртдагъы СПТУ-2 профтехучилищеге мастер гьисапда ишге ала.
Йылдан-йылгъа яхшы сынав топлана, коллективни арасында абур къазана, яшёрюмлени насигьатчысы болуп чалыша. Училищеде ишлей туруп, Новочеркаск шагьардагъы инженер-мелиорация институтну битдирип, 1983-нчю йылда муаллимни касбусуна ес бола.
Расул Маматович – бажарывлу муаллим, аттестация комиссияны члени, халкъгъа билим беривню отличниги. Бир нече гьюрметлев грамоталагъа, башгъа савгъатлагъа лайыкълы болгъан.
Расул Маматовични иш ёлдашы муаллим Магьаммат Магьамматов бирче ишлеген ёлдашыны гьакъында булай дей:
– Магъа ишин оьр даражада юрютюп болагъан, жамият ишлерде гьар даим де ортакъчылыкъ этип юрюйген, ёлдашлары булан бек гелишли Расул Маматович булан 47 йыл бирче ишлеме насип болду. Гьали де Расул Байрашов ишден сонггъу бош заманын бав-бахчада йибере. Ол оьсдюрген емиш береген бавлар кимни де сукъландыра. Уьягьлюсю Маржан булан бирликде Расул Байрашов 5 авлетни оьсдюрген ва тарбиялап, тюз ёлгъа салгъан. Яшларыны авлетлери де уллатасы ишден гелегенни гёрюп: «Ата геле, ата», – деп, алдына чабып къаршылай, сююнчюне сююнч къоша.
Зайналабит Басханов.
Хасавюрт район, Ботаюрт.
Суратда: Р. Байрашов.
