“Ябушувгъа гётерилди халкъыбыз”

Хапарсыздан бузуп дазу бойланы,

Фашист душман элибизге чапгъанда,

Къуршап алып, боранлайын къырсайып,

Гёнгюбюзню къара булут япгъандай.

Душманланы эл ичинде йыбатып,

Къарап турма ёкъ чу бизин гьакъыбыз.

Савутланы сермеп алып къоллагъа,

Ябушмагъа гётерилди халкъыбыз.

Тюшдю душман бизин болат къапгъынгъа,

Къыршавланып, къыркъ еринден къысылып.

Тюшгенден сонг къутулмагъа къапгъындан,

Бажармады, айланса да къасткъылып.

Алдыбызгъа къаршы гелсе, титиремей,

Тавлар чакъы толкъунланы тозгъанбыз.

Бизге къаршы чапгъан фашист душманны

Тюпге салып сагъыз йимик созгъанбыз.

Къоччакъ кюйде ябушувлар юрютдю,

Совет асгер абдырамай, адамай.

Токътамады Уьстюнлюкню байрагъын

Берлинни тёбесине къадамай!



Тувгъан ерим

Тувгъан ерим, оьсген ерим,

Шербет юзюм гесген ерим.

Йырчы Къазакъ чатакъ гьайдап,

Хумторкъали – оьсген ерим.

Безей юртум янгы уьйлер,

Генг этилген орамларынг,

Гьашыкъбыз гьар-бир янынга,

Къоркъмаскъала шагьарыма.

Авторизация
*
*
Регистрация
*
*
*
Согласны с условиями сайта?
Генерация пароля