Биярсланны гьаракатына – берекет


          Самбо ябушув – уллулар учунгъу спортну бир журасы. Ону булан аслу гьалда армияда къуллукъ этегенлер машгъул бола. Тек школагъа барагъан яшлар да шолай ябушувгъа уьйренсе, уллу бола туруп, оланы къаркъарасына нечик гюч жыйылма герек экенин англайсан. Ондан къайры да, яшны ругьу гётериле, чыдамлыгъы арта, хасиятлары чыныгъа.


Биз оьзюню гьакъында айтма сюеген яш – Халимбекавул юртдагъы «Пять сторон света» деген спорт школаны охувчусу Биярслан Магьамматов. Охуйгъаны 3 йыл бола. Тренери – Муса Мусаев.


Спортгъа машгъул яшланы бу школагъа тюшме сюегенлери де кёп. Школа оьзюню даражасын дюньягъа аты айтылгъан спортсменлер булан белгили этген.


Биярсланны атасы ва анасы –уллубийавуллулар. Олар англатагъан кюйде, уланы оьзюню яшавун спортгъа багъышлажагъы кёп гиччиден де белгили болгъан. Шону учун болма да ярай Биярслан самбо ябушувдан хыйлы ярышларда биринчи ерлени алгъан. Ол яшланы арасында Да­гъыстанны чемпиону деген атны да къазангъан. Бираз алда Мытищи шагьарда оьтгерилген Уллу Ватан давда Уьстюнлюкге багъышланып 2006-нчы, 2007-нчи йылларда тувгъан яшланы арасында Россияны самбо федерациясы оьтгерген регионара турниринде биринчи ер алгъан. Ярышлар май айны орталарында оьтгерилген. Биз де Биярсланны къутлайбыз.

Авторизация
*
*
Регистрация
*
*
*
Согласны с условиями сайта?
Генерация пароля