Ватанны якълавчуларыны гезикли гюнюн белгилейбиз. Тюзю, алда ону аты бираз башгъачалай эди, тек аслу маънасын тас этмеген. Асрулар бою бизин элибизде ягъаланы басып яв гелгенде, «гьайт» дегенде «вайт» деп табылагъан эркеклер аз болмагъан. Халкъ къайсы девюрлерде де батырлары, игитлери булан оьктем бола гелген, бирисин де унутмагъан ва гьарисини атын оьзюню тарихини бетлерине алтын варакъ булан язгъан, дёнмес йырларында макътагъан.

Гьар наслуну яшавунда шолай оьзлени тавакаллыгъын, Ватанына бакъгъан якъдагъы герти гьислерин сынайгъан, тергейген заман геледир. Украинада бугюнлерде болуп турагъан агьвалатлагъа къарагъанда, гьалигилерибизде аналардан осал тувгъан уланлар тюгюл экенни гёребиз.
Оьзю байрамгъа къайтгъанда, охувчуларыбызны алда республикада Ватанны къорувчуларыны гюнюн нечик къаршылай болгъанны гьакъында, бары да затны билемен деп макътанагъан Интернетде де табылмасдай, анадаш газетибизден алынгъан маълуматланы беребиз.