«Гьюрметли Толбаев Жалакъ Гьажиевич! Шу кагъызда Сизге уланыгъыз Толбаев Вали Жалакъович денгиз пехотаны артиллеристлерини бригадасында оьзюню асгерлик борчун намуслу кюйде кютегени гьакъда билдирмеге сюемен. Ол танклагъа къаршы иш гёреген ракетлени взводунда къуллукъ этеген вакътини ичинде оьзюню командирлерини ва начальниклерини янындан дав гьазирликде етишген уьстюнлюклери, ёлдашларына асгерлик кёмек этегени, уьлгюлю асгерлик низамы учун бир нече керен разилик алгъан.
Младший сержант В. Ж. Толбаев низамлы ва оьзюне тапшурулгъан борчларына жаваплы янашагъан асгер къуллукъчу гьисапда танылгъан. Ол оьзю къуллукъ этеген взводунда инг бажарывлу касбучу гьисаплана. Взводну гьар гюнлюк яшавунда жанлы кюйде гьаракатчылыкъ гёрсете. Огъар сабурлукъ, саламатлыкъ хас. Оьзбашына гьасил чыгъарып, алдына салынгъан борчланы толу кюйде яшавгъа чыгъарып биле. Шолай уланны тарбиялагъаныгъыз учун Сизге баракалла.
Сизге уллу гьюрмет булан 30926 номерли асгер бёлюкню штабыны начальниги, подполковник К. Стомаченко».
Артдагъы вакътилерде асгерде къуллукъ этеген бир-бир дагъыстанлыланы атлары къалмагъаллы гьаллагъа тюшгенде айтыла. Кёбюсю гьалда шо саялы да бизин республикадан асгер къуллукъгъа чакъырылагъанланы санаву хыйлы кемиген. Тек шу кюйде асгерде къуллукъ этеген дагъыстанлы уланлар ювукъ вакътини ичинде Россияны савутлу гючлери учун уьлгю болуп къалажагъына инамлыкъ тувдура.
Бизин мухбирибиз.
