Съездни Россияны юрт хозяйство министри Николай Фёдоров ачды ва юрютдю.
– Гезикли юбилей съезд, белгили болгъаны йимик, ООН билдирген кююнде, сабанчы агьлюлени йылында оьтгерилегени негьакъ тюгюл, – деп башлады оьзюню сёйлевюн Николай Фёдоров. – Неге тюгюл, сабанчы агьлю экономикасы оьсген пачалыкъларда юрт хозяйствону аслу кюрчюсю болуп токътагъан ва ашамлыкъ малланы оьсдюрювде лайыкълы къошумун болдура.
Министрни пикруларын узата туруп, россиялы сабанчыланы ва кооператив хозяйстволаны президенти Владимир Плотников да къысгъа болжалны ичинде россиялы сабанчылар уьлкебизни агропромышленный тармагъын беклешдиривде гёрмекли натижаланы къолда этгени гьакъда ерлерден алынгъан ачыкъ мисалланы гелтирип ташдырды.
– Артдагъы 12 йылны ичинде сабанчы агьлюлерде производство натижалар 4 керен артгъанлыгъы да гележек учун инамлыкъны тувдура, – деди ол. – Сабанчыланы гьаракаты булан уллу гьайванланы санаву белгили кюйде артгъан ва эт, сют болдурув къолайлашгъан.
Дагъыстанны делегациясы башында сабанчыланы ва кооперативлени республика бирлешивюню президенти Магьаммат Абдурагьманов булан съездни ортакъчыларыны айрыча тергевюн тартды. Атлары уьстде эсгерилген ёлдашланы пикруларын якълап, Магьаммат Абдурагьманов да шонда дагъыстанлы сабанчылар ва кёмекчи къошум хозяйстволар (КФХ ва ЛПХ) ашамлыкъ малланы 80 процентден къолай къадарын болдурагъаны гьакъда эсгермей болмады.
Съездни ортакъчылары гюнлюк низамгъа салынгъан аслу масъала гьисапда россиялы сабанчыланы ва шолай да юрт хозяйство кооперативлерини умуми гьаракатыны натижаларын къолайлашдырывда пайдаландырылма герекли янгы къайдалы ёлларын белгиледи. Ерлерде сынав алышдырывну генглешдирмеге тюшегени гьакъда айрыча таклиф этилинди. Сабанчыланы бирлешивлерине къурумчулукъ ишлени камиллешдиривюнде ва шолай да юрт яшавну онгайлыкъларын болдурувда уьстюнлюклер ёралды.
Съездни ахырында хас къарар къабул этилинди ва шолай да гьаракаты натижалы сабанчылагъа хас савгъатлар берилди.
Дагъыстандагъы «Азамат» деген сабанчы фермер хозяйствону башчысы Магьаммат Алиболатовгъа «Россияны юрт хозяйствосун оьсдюрювде этген къошуму учун» деген Терентий Мальцевни атындагъы медаль тапшурулду.
Суратда: Магьаммат Алиболатовгъа медаль тапшурулагъан вакъти.
– Гезикли юбилей съезд, белгили болгъаны йимик, ООН билдирген кююнде, сабанчы агьлюлени йылында оьтгерилегени негьакъ тюгюл, – деп башлады оьзюню сёйлевюн Николай Фёдоров. – Неге тюгюл, сабанчы агьлю экономикасы оьсген пачалыкъларда юрт хозяйствону аслу кюрчюсю болуп токътагъан ва ашамлыкъ малланы оьсдюрювде лайыкълы къошумун болдура.
Министрни пикруларын узата туруп, россиялы сабанчыланы ва кооператив хозяйстволаны президенти Владимир Плотников да къысгъа болжалны ичинде россиялы сабанчылар уьлкебизни агропромышленный тармагъын беклешдиривде гёрмекли натижаланы къолда этгени гьакъда ерлерден алынгъан ачыкъ мисалланы гелтирип ташдырды.
– Артдагъы 12 йылны ичинде сабанчы агьлюлерде производство натижалар 4 керен артгъанлыгъы да гележек учун инамлыкъны тувдура, – деди ол. – Сабанчыланы гьаракаты булан уллу гьайванланы санаву белгили кюйде артгъан ва эт, сют болдурув къолайлашгъан.
Дагъыстанны делегациясы башында сабанчыланы ва кооперативлени республика бирлешивюню президенти Магьаммат Абдурагьманов булан съездни ортакъчыларыны айрыча тергевюн тартды. Атлары уьстде эсгерилген ёлдашланы пикруларын якълап, Магьаммат Абдурагьманов да шонда дагъыстанлы сабанчылар ва кёмекчи къошум хозяйстволар (КФХ ва ЛПХ) ашамлыкъ малланы 80 процентден къолай къадарын болдурагъаны гьакъда эсгермей болмады.
Съездни ортакъчылары гюнлюк низамгъа салынгъан аслу масъала гьисапда россиялы сабанчыланы ва шолай да юрт хозяйство кооперативлерини умуми гьаракатыны натижаларын къолайлашдырывда пайдаландырылма герекли янгы къайдалы ёлларын белгиледи. Ерлерде сынав алышдырывну генглешдирмеге тюшегени гьакъда айрыча таклиф этилинди. Сабанчыланы бирлешивлерине къурумчулукъ ишлени камиллешдиривюнде ва шолай да юрт яшавну онгайлыкъларын болдурувда уьстюнлюклер ёралды.
Съездни ахырында хас къарар къабул этилинди ва шолай да гьаракаты натижалы сабанчылагъа хас савгъатлар берилди.
Дагъыстандагъы «Азамат» деген сабанчы фермер хозяйствону башчысы Магьаммат Алиболатовгъа «Россияны юрт хозяйствосун оьсдюрювде этген къошуму учун» деген Терентий Мальцевни атындагъы медаль тапшурулду.
Суратда: Магьаммат Алиболатовгъа медаль тапшурулагъан вакъти.
