Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)

САВЛУКЪ ДА САЙЛАМЛЫЛАГЪАМЫ?


Автор: «Ёлдашны» маълумат ва политика

бёлюгюню мухбири Н. Байболатов.


Россияны 2015–2017-нчи йыллагъа белгиленген бюджети шону ачыкъдан-ачыкъ исбат эте деп эсиме геле. Неге тюгюл, «Адамланы савлугъу – уьлкени байлыгъы» деп айтылса да, шо бюджетде эсгерилген тармакъгъа гьаман да йимик акъча етишмей. Бары да  халкъгъа етишмей. Бир тайпаланы савлугъун беклешдирмек учун буса акъча бар.

 Пачалыкъ Думаны депутатлары «Россия Федерацияда ватандашланы савлугъун сакълавну кюрчюлерини гьакъындагъы» законгъа этген алмашынывлары оьрде айтгъан сёзлеримни гертилейдир.

Депутатлар этген шо алышынывлар да, толумлашдырывлар да уьлкени Президенти къол салгъан сонг гючге гийирилген.

Алышынывлар дегенде де, биревню де хатири къалмай­гъан кюйде айтгъанда, оьзюм деген гёзюмдюр дегенлей, бютюн халкъны тюгюл, оьзлени пайдасына бакъдырылгъан алышынывлар ва толумлашдырывлар эс этиле. Олар «Медицина кёмек болдурувну ёругъуну гьакъындагъы» законгъа гёре,  къаркъарасына зараллы маддалар булан ишлейген бир -бир предприятиелени къуллукъчуларына йимик, бизин уьлкеде бары да даражаларда сайлангъан депутатлагъа да, пачалыкъ къуллукъларда чалышагъанлагъа да савлугъун беклешдиривде енгилликлер токъташдырылгъан.

Депутатланы шо сиптесинде гьеч бир янгылыкъ ёкъ. Къачандан берли де депутатлар да, оьр пачалыкъ къурумларыны къуллукъчулары да оьзлер учун къурулгъан медицина идараларда гьап-гьавайын савлугъун беклешдирип гелегенин барыбыз да билебиз. Шо идаралар ватандашлардан жыйылагъан налоглардан да, топланагъан бюджетден гёрсетилеген акъча маялагъа сакъланагъаны да бизге белгили. Тек депутатлар, олай да пачалыкъ къуллукъчулар учун  оьзгелерден артыкъ айры шолай енгилликлер токъташдырылагъаны бизин уьлкени тарихинде биринчилей языла.

Шо енгилликлеге федерал бюджетден бакъдырылагъан ва борчлу медицина страхования фонду гёрсетеген акъча маялар харжланагъаны да айрыча токъташдырыла. Савлукъ сакълав тармагъына 2015-нчи йылдан тутуп федерал бюджетден гёрсетилегенинден эсе, борчлу медицина страхования фонду аслам акъча маялар харжлажакъ деп гёз алгъа тутула. Шолай болгъандан сонг, гёрсетилеген акъча маялар тап шо депутатлар ва оьзге «сайламлылар» савлугъун беклешдиреген медицина идараланы сакъламакъ учун етишип къалажакъ.

Нечик де, белгили экени йимик, буссагьатгъы вакътиде борчлу страхованияны фондлары айтардай айрыча онгайлыкълары, ерлери етишмейгенге гёре, палаталарда токъташдырылгъандан эсе кёп аврувлар ятмагъа борчлу болагъан  шагьар ва район больницаланы сакъламагъа да болмай. Шолай болгъандан сонг, борчлу медицина страхования фондлары артыкъ онгайлыкълар болдурулгъан хас савлукъ сакълав идараланы сакъламакъ учун акъча маяланы къайдан табар экен?

Законгъа гёре чи борчлу медицина страхования фондлары бары да ватандашланы къуллукъларын бирни йимик кютмеге герек. Депутатлар шо масъалаланы чечивню ёлун тапгъан. Демек, оьзлер савлугъун беклешдирежек хас медицина идаралагъа къошум акъча маялар гёрсетилмеге тюшегенин законгъа язгъан.

Россияны Пачалыкъ Думасыны бюджетге ва налоглагъа къарайгъан комитетини ёлбашчысыны биринчи орунбасары Оксана Дмитриева маълумат къуралларда, айрыча «Мос­ковский комсомолец» деген газетде эсгерегени йимик, хас медицина идаралагъа федерал бюджетден бу йыл  157 миллион къошум акъча маялар бакъдырыла. Нечик алай да, депутатлар янгыз борчлу медицина страхования фондундан акъча маялар гёрсетилеген медицина идараларда савлугъун беклешдирмеге сюймей. Не этме герек?! Бал тутгъан бармакъ ялар...

Количество показов: 577
27.01.2015 15:50

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта