Аллагь огъар рази болсун Девюрлер енге гелген деврен сёз


                    

Мен шу макъаламда олай тарыкъсыз медицина къуллукъчуланы гьакъында тюгюл, бары яндан да бек асил адамны ва врачны гьакъында айтма сюемен.
Айтагъаным, бираз алда мен кепсиз болуп, Магьачкъаладагъы бир номерли больницаны кардиология бёлюгюне тюшдюм. Шо бёлюкню заведующийи врач Заира Исрапиловна Гьажиакъаеваны гьакъында айрыча эсгерме сюемен.
Ол оьр даражада англаву булангъы гьайлы врачдан къайры да, бек асил, инсаплы, кимге де жаны авруйгъан хасияты булангъы адам экенге, бирдагъы керен де мюкюр болдум. Даим иржайгъан юзю, эмли къоллары булан аврувланы гёнгюн алып бажарагъанлыгъы негер де тиймейми? Гьар гюн аврувланы уьс­тюне гирип, гьалыбыз-гюнюбюзню сорамай туруп, юреги парахат болмай эди. Ишине бек жаваплы ва намуслу кюйде янашагъан врач.
Олайлар бизде кёп къыт деп айтма ярай. Ону къасты булан мен шо больницадан шайлы къолай болуп чыкъдым. Гьалал къуллугъу учун огъар Аллагь да рази болсун. Заира Гьажиакъаева йимик врачлар кёп болсун.
Бу ерде бирдагъы затны эсгерме сюемен. Заира ишлейген больницаны баш врачы оьр санлы иши учун огъар Да­гъыстанны савлукъ сакълав минист­рини атындан баракалла билдирген.
Сонг дагъы да, шо больницаны башын тутгъанлагъа, баш врачына да бу жаваплы ишге яхшы касбучуланы къуршагъаны учун гьакъ юрекден баракалламны билдиремен.

Абдулла Алибеков,
давну ветераны.

 

Авторизация
*
*
Регистрация
*
*
*
Согласны с условиями сайта?
Генерация пароля