Талаплар да арта, къуллукълар да


Савлай уьлкебизде йимик, бизин республикабызда да артдагъы йылларда адамланы ва къурумланы къуллукъларын кютюв булан машгъул болагъан центрланы (МФЦ) санаву артагъаны тергевню тартмай болмай. Шону учун болмагъа ярай, артдагъы гезик шолай агьамиятлы ва жаваплы борчланы кютюв булан бизин республикабызда этилинеген къуллукъланы сан янына да тергев къолайлаша бара…



2018-нчи йылны октябр айыны 11-12-нчи гюнлеринде Каспийск шагьарда халкъара оьлчевю булангъы МФЦ-лени Бютюнроссия форуму «Москва» деген ял алыв уьюнде оьтгерилди.



Форумну ачылывуна байлавлу болуп оьзюню къутлав сёзюнде Дагъыс­танны Гьукуматыны Председатели Артём Здунов ону ортакъчыларына къоллавчуланы талапларын гьисапгъа алып, оланы къуллукъларын кютювде натижалы гьаракат ёрады.



Дагъыстанны Башчысыны ва шолай да Гьукуматыны Админист­рациясыны аппаратыны башчысы Владимир Иванов форумну ортакъчыларына ишлени барышына ва борчларына байлавлу толу кюйде баянлыкъ берди.



Шондан сонг форумну ортакъчылары, хас бёлюклеге пайланып, гьариси оьз ишине гиришди.



Дагъыстанны экономика ва территория оьсювюне къарайгъан министри Осман Хасболатов да, форумну ортакъчыларын къутлай туруп, олагъа заманны гьар сагьатын аявлап къоллавчуланы пайдаларын якълап, асувлу кюйде оьтгермеге таклиф берди.



Дёртюнчю Бютюнроссия форумну ортакъчыларыны алдында чы­гъып сёйлеген Россияны экономика ва территория оьсюв министрини заместители Савва Шипов уьлке оьлчевюнде МФЦ-лени чалышывуна байлавлу оьтгерилген ахтарывланы натижаларын малим этди.



Ахырында адамланы ва къурумланы къуллукъларын кютюв булан машгъул болагъан центрланы арасында юрюлген Бютюнроссия конкурсну натижалары да малим этилинди. Шоланы арасында Буйнакск шагьарны МФЦ-сини коллективине Савва Шипов «Россияны лап да яхшы МФЦ-си» деген савгъатны тапшурду. Конкурсну башгъа-башгъа номинациялардагъы савгъатлары Ставропол, Саратов ва Воронеж шагьарланы МФЦ-лерине де берилди.



Уьстде атлары эсгерилген ёлдашланы Артём Здунов ва Осман Хасболатов, етишилген натижалар булан дазуланмайлы, гележекде де республикабызны МФЦ-лери къоллавчуланы къуллукъларын кютювде гьаракатын бошама къоймажагъы гьакъда айрыча эсгермей болмады.



Форумда Россияны 400-ден де кёп МФЦ-лери ортакъчылыгъын болдурду. Гележекде де олар этилинеген къуллукъланы санавун къолайлашдырыв булан дазуланып къалмайлы, ишини сан янын артдыражагъына байлавлу имканлыкъланы пайдаландырма къаст этежеги гьакъда бир пикруда токъташды.




Авторизация
*
*
Регистрация
*
*
*
Согласны с условиями сайта?
Генерация пароля