Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Эсли яшавгъа абат ала туруп...

Эсли яшавгъа абат ала туруп...

   


Алда бютюн Россияны студентлери тын топуракъларда чалыша эди. Гьали буса Россияны студент отрядлары авлакъ ишлеге къуршала, къурулуш имаратларда ишлей, лагерлерде охувчу яшланы тарбиялавда оьз къошумун болдура.


 

Совет девюрде яшёрюмлер студент вакътисинден башлап, къурулуш отрядларда, авлакъларда загьмат тёгюп, сонг буса асгер борчун кюте эди. Яз айларда ёл къурулушларда, пионер лагерлерде вожатыйлар болуп, авлакъларда емишлер, овощлар жыягъаны уллуланы эсинде бардыр. Къурулуш отрядларда ортакъчылыкъ этме, бажарывлугъун, ишден къоркъмайгъанлыгъын гёрсетмек о заманлар эсли яшавгъа чыгъагъан бир имтагьан йимик болгъаны белгили.


Бара-бара Совет Союзу тозулгъандан сонг студент къурулуш отрядлар сёнюп, яшёрюмлер жамият ишлеге къуршалмайгъан вакътилер бар эди. Мени оьзюмню студент заманым шо йыллагъа рас гелди.


Артдагъы йылларда буса Россияны студент отрядлары янгырмагъа башлады. Гьали Росссияны бары да регионларында студент отрядлар актив кюйде иш гёре. Оланы ишине Россия Федерацияны Президенти Владимир Путин де тергев эте. Гьар тюрлю чараларда олар булан ёлугъа.


Бугюнлерде студентлер учун гьар тюрлю ишлерде загьмат тёкмек борч тюгюл буса да, студент отрядлагъа къошулмагъа гьаваслы яшёрюмлер арта бара. Бизин рес­публикабызда да студентлер олай ишлерден къачмай. Россияны студент отрядларыны Дагъыстан бёлюгю де гьар тюрлю ишлеге къуршала.


Оьзлени къурумуну ва ишлерини гьакъында бизге эсгерилген къурумну председатели Магьаммат Гьосенов хабарлай. Ону айтывуна гёре, студент отрядлар яшёрюмлеге эсли яшавгъа чыкъмагъа имканлыкъ береген бир абат алыв йимик бола.


Магьаммат Гьосенов оьзю Дагъыстан юрт хозяйство институтну охуп битдирген. Студент заманында яшлар ял алагъан лагерде пионервожатый гьисапда чалышгъан. Дагъыстан Республиканы загьматны ва яшавлукъ оьсювге къарайгъан министерлигини «Успех» деген яшёрюмлени ишге къуршавну гьайын этеген республика центры студент отрядланы янгыртывда ва ­оьсювюню гьайында чалыша.


–Студент отрядланы Дагъыс­тан бёлюгюню председатели гьисапда мен оланы якълаву да бизге кёп кёмек этегенин айтма боламан, – дей М.Гьосенов. – Алда кёбюсю гьалда юрт хозяйство ишлерде, къурулушларда студент отрядлар чалыша эди буса, гьали оьзюн гёрсетме, пайдалы болма кёп тюрлю тармакълар ва имканлыкълар бар. Студент отрядлар бизин республиканы оьр охув ожакъларыны студентлерин бирлешдире. Шолай да, Дагъыстанда студент отрядлар дёрт тюрлю тармакъда чалыша: педагогика, юрт хозяйство, къурулуш ва халкъны къуллукъларын кютеген тармакъда чалышмагъа имканлыкълар бар. Бу йыл студент отрядлар учун дагъы да темир ёлларда ишлеме имканлыгъы булангъы бёлюк ачмагъа гёз алгъа тутулгъан.


Студент отрядланы Дагъыс­тан бёлюгю космодром «Восточный», «Мирный атом» деген объектлени къурулушларында да ортакъчылыкъ этди. Бираз алда оьрде эсгерилген «Успех» деген къурумну кёмеги булан 26 яш ишге къуршалды.


Бизин республикада студент яшлар педагогика отрядларда лап да кёп ортакъчылыкъ этмеге сюе. Олар язда лагерлерде вожатыйлар гьисапда чалыша. Къайда чалышса да, алапалар да бериле. Юрт хозяйство тармакъны алсакъ, студентлер гетген йыл Липецк шагьаргъа алма жыймагъа барып гелди. Ондан алда Севастопольда юзюм жыймагъа гетген эди. Юрт хозяйство ишлер бизин республикада да бола. Хумторкъали районда согъанны тюшюмюн жыйывда чалышдылар.


Магьачкъала шагьарда О. Кошевойну атындагъы орамда ва Семендерде къурулагъан яшавлукъ уьйлерде ишледи. Дагъыстанда артдагъы эки йылны ичинде 800 санавда студент яшланы заманлыкъ ишлеге къуршамагъа болдукъ.


Дагъыстан студентлер башгъа регионлагъа да ишлемеге кёп сюе туруп бара. Бу йыл язда Краснодар крайда янгы ишлер болажакъ деп къаравуллана.


Озокъда, ишчилени тергейген хас специалистлер болса да, бары да онгайлыкълары булангъы яшавлукъ уьйлер, ишден сонг оьтгерилеген шатлы ахшамлар оланы айрокъда гьаваслыгъын артдыра. Тышда загьмат тёгеген студент отрядланы турма ер ва гюнде 3 керен аш-сув булан таъмин эте. Шолай да, алапасындан къайры, ёлгъа чыгъагъан харж да бериле.


Магьаммат Гьосенов дагъы да булай дей:


–Студент отрядланы ор­такъчыларына эсиртеген ич­килер гери урулагъанын унутмагъа тюшмей. Эсиртеген ичкилени ичегенлер болуп тутулса, олар такъсырлана. Савлай отряд ишден тайдырыла. Студент отрядланы ортакъчылары булай ишлеге къуршалагъаны янгыз акъча саялы тюгюл. Янгы аралыкълар, сынав топлав ва бирлешип иш гёрмеге уьйренмек – студент отрядларыны биринчи къасты.



Количество показов: 205
26.02.2018 13:00

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта