Гюзден къуванч алгъынча


Гюзню гечеси сувукъ,


Эртенге къырав сала.


Гюзден къуванч алгъынча,


Къыш заман гелип къала.


 


Акъ мамукъдай къар явуп.


Чыкъды бир керен гече.


Гьона, шолай хапарсыз


Гелген къыш нече-нече.


 


Бизге къурдаш къушлар да,


Къышда уьшюмес учун,


Низамлы кюйде гетген


Исси якълагъа учуп.


 


Яшлагъа йыбанч учун,


Озокъда, къыш да герек.


Къыш гетип, сонг гележек


Язбаш да тюгюл арек.


 


Яшыл язбаш да гелер,


Къушлар да гери къайтар.


Табиатдан сююнюп,


Янгы йырларын айтар.



Исламутдин КЪУРБАНОВ.

Авторизация
*
*
Регистрация
*
*
*
Согласны с условиями сайта?
Генерация пароля