Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Рамазан Абдулатипов:  «Дагъыстанны жавгьарын» тышда да билме тарыкъ

Рамазан Абдулатипов: «Дагъыстанны жавгьарын» тышда да билме тарыкъ


Июль айны 3-нде Дагъыстанны Башчысы Рамазан Абдулатипов «Дагъыс­танны жавгьары» деген унцукюллю усталаны выставка-ярмаркасында болгъан. Бу ярмарка июн айны 29-дан июль айны 10-на ерли Магьачкъаладагъы чебер саният центрында оьтгериле.

Р. Абдулатипов бары да экспозициялагъа, онда салынгъан усталаны ишлерине тергевлю кюйде къарап, музейни къуллукъчулары булан лакъыр этип, Дагъыстанда чебер саниятны оьсювюне байлавлу таклифлер берген.

– Бу тармакъ республикагъа да, усталагъа да хайыр гелтирме тарыкъ. Шо – кёмек этме тийишли яхшы иш, бизнес. Чебер саният предприятиелени якъламакъ учун фонд къурма герек. Гертиден де, биз гёреген мунда салынгъан усталаны ишлери бек яхшы ва санлы. Шону учун шоланы янгыз Дагъыстанда тюгюл, ондан тышда да сатмагъа бажарылажакъ. Шо саялы да этилинеген малны даим янгыртып, оьсдюрюп турма герек,–деген Р. Абдулатипов.

Ол дагъы да яш касбучуланы бу ишге къуршамакъны, уьйретмекни маънасы барны эсгерген.

–Усталар оьзлени сынавун яш нас­лугъа да тапшурма, уьйретме тюше. Гьар тюрлю охув ожакъларда янгы касбучуланы гьазирлеме герек. Биз къайсы буса да бир касбу техника коллежни янгыз шо тармакъгъа тергев береген кюйде этмеге гьазирбиз,–деген республиканы Башчысы.

«Дагъыстанны жавгьары» деген выс­тавка имам Шамилни 220 йыллыгъына, Порт-Петровск Магьачкъала шагьар деп юрюлегенли 95 йыл битгенликге багъыш­лангъан. Шонда унцукюллю усталаны 200-ден де артыкъ иши салынгъан.

Рамазан Абдулатипов Дагъыстанны туризм ва халкъ чебер саният министерлиги гьазирлеген «Усталаны шагьары» деген проектни стендине де къарап чыкъгъан. Ол шо проектни яшавгъа чыгъаргъаны учун, Магьачкъаланы администрациясына ва ДР-ни туризм министерлигине баракалласын билдирген.

Шо чарада Магьачкъала шагьарны мэри Муса Мусаев ва Дагъыстанны туризмге ва халкъ чебер саниятгъа къарайгъан министри Рабият Закавова ва оьзгелер ортакъчылыкъ этген.

Бизин мухбирибиз.


Количество показов: 273
07.07.2017 14:46

Возврат к списку

AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта