Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.newsВ ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018"Времена"ИнфоблокПолитикаИсторияКультураЛюди и время НаукаНовые книгиАчыкъ сёзАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...СапарМаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИФото дняНаши партнерыНаши спонсорыСотрудникиНаши авторыАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Далапчылагъа кёмеклешив ёрукълаша

Далапчылагъа кёмеклешив ёрукълаша


Август айны 3-нде МФЦ-лени республика центрыны бинасында «МФЦ-ден бизнесге – увакъ ва орта далапчылыкъгъа кёмеклешив» деген регионара конференциясы оьтгерилди. Дагъыстанны далапчылыкъ ва инвестиция агентлигини башчысы Башир Магьамматов, Дагъыстандагъы МФЦ-лени директору Осман Хасболатов, Дагъыстанда далапчыланы ихтияраларын якълайгъан вакили Завур Къурбанов, Дагъыстанны печат ва маълумат министрини заместители Александр Кургенян, бизнес-жамият ва башгъа жамият къурумланы вакиллери шонда ортакъчылыкъ этдилер.

Далапчыланы бу йыл грантгъа ес болмакъ учун берилеген арзаларын МФЦ-лерде, 1-нчи августдан башлап, 31-нчи августгъа ерли къабул этежек деп билдирди Башир Магьамматов. Грантгъа ес болгъанланы атлары октябр айда белгили болажакъ.

Агентлик де, МФЦ де бир-бири булан дыгъар байлап, далапчыланы Магьачкъалагъа ёл юрюшюнден, тюрлю-тюрлю идаралагъа чабывулундан азат эте. Айланч ёллардан айланмай, грантгъа ес болмагъа имканлыкълар ачыла.

Б. Магьамматов айтгъан кюйде, грант алмакъ учун арза булан бирче берилеген кагъызланы сиягьын (перечень документов) далапчылар агентликни сайтында да ва сизин яныгъызда ерлешген МФЦ-ни къуллукъчуларындан да ахтарып билмеге бола.

Осман Хасболатов да оьзюню сёйлевюнде арза береген далапчылагъа МФЦ-ни къуллукъчулары ва юристлери бары кёмегин толу кюйде этежек деп англатыв берди. Ёлугъувну ахырында О. Хасболатов Дагъыстанны далапчылары МФЦ-лерде оьзлени 114 тюрлю къуллугъун кютюп болагъанны эсгерди. Гьатта далапчы деп гьисапгъа гийирювден башлап, бир тайпа лицензиялагъа ерли онгара.


Количество показов: 303
17.08.2016 08:47

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта