Къурчакъ театрлар байлавлукъ юрюте

   

Пятница, 20.04.2018г. — «ЁЛДАШ».


Россияны маданият министерлигини гёз алгъа тутгъан планы булан савлай Россияда «Большие гастроли» деген проектге гёре ишлер юрюле. Шо проектни оьлчевюнде апрель айны 12–14-нчю гюнлеринде Магьачкъалада ва Брянск шагьарда эки де шагьарны къурчакъ театрларыны гастроллары болгъан.


 

Брянск



Дагъыстанны пачалыкъ къурчакъ театры Брянск шагьарда яшлагъа «Лисёнок-плут», «Гуси-лебеди» деген орус ёммакълагъа гёре салынгъан спектакллени гёрсетген. «Гуси-лебеди» деген спектакль гьар тюрлю фестивалларда ва конкурсларда биринчи ерлени алып гелген. СССР-ни халкъ артисткасы Барият Муратованы III даражалы дипломун алгъан.


 

Магьачкъала



Брянскиден гелген област театр Магьачкъалада яшлагъа «Трям! Здравст­вуйте!», «О попе и его работнике балде» ва «По щучьему велению» деген ёммакълагъа гёре спектакллер гёрсетген. Дагъыс­танны маданият министерлиги театрны грамоталар булан савгъатла­гъан. Къонакълар Таргъу тавда экскурсияда болгъан, Магьачкъаланы музейлерине де баргъан ва дагъыстанлыланы тарихи булан таныш болгъанлар.



«Большие гастроли» деген проект узатыла.



Бизин мухбирибиз.



Авторизация
*
*
Регистрация
*
*
*
Согласны с условиями сайта?
Генерация пароля