Жумагюн, ноябрни 14-нде, оьз майданында «Волганы» 2:0  санав булан утгъан сонг, команда арбагюн Аштарханда ерли «Волгарь» деген команданы, кёп арив оюн да гёрсетип,  0:3 санав булан утмагъа бажарды. Биринчи таймда Янник Боли, экинчи таймда буса Амаду Мутари ва Александр Алиев футбол майданны есилерини къапусуна уьч гол гийирди. Оюнну вакътисинде стадионну къонакъ секторунда «Анжини» якълама Дагъыстандан гетгенлени де, еринде Аштарханда тура­гъан дагъыстанлыланы да  санаву эки мингден оьтдю.

Гьали гелеген сонгугюн, ноябрни 22-синде, «Анжи» оьзюню майданында, танапус башлангъынча ахырынчы оюнунда Оренбургну «Газовик» деген командасын къабул этежек. Шондан сонг он экинчи март болгъунча футбол сезон танапусгъа ябыла.

 

 

Шарапутдин КИШИЕВ.