Темиравуллу Россияны кубогун къазангъан

Эсгерилген ярышларда къумукъ улан беш керен ябушгъан ва беш де керен уьст гелген. Финалда ол дагъыстанлы Имамутдин Абдулпатагьов булан ёлукъгъан ва ону 5:2 санав булан утгъан.

Элдар Къазавов оьрюмяшланы арасында Россияны чемпионатларында эки керен бронза медаллар къазанып тура. Ол Санкт-Петербург шагьарны ва Темиркъазыкъ-Гюнбатар федерал округну уьч керен чемпиону. Округну кубогун да утгъан.

Бугюн ол Санкт-Петербургда медицина коллежни студенти.

– Элдар тутушуп ябушувдан биринчи абатларын ата юрту Темиравулда алгъан. Ол мени группамда алты йыл гьазирленди. Эсимде ол къаст этеген кюй. Ону уллу гележеги бар. Муна гьали ол бизин райондан биринчилей Россияны кубогун да утду. Шо – уллу уьстюнлюк. Юртубуздан чыкъгъан кочап булан оьктембиз, –деди Элдарны биринчи тренери Элмурза Телевов.



Суратда: Э. Къазавов.


Авторизация
*
*
Регистрация
*
*
*
Согласны с условиями сайта?
Генерация пароля