Президентни савгъатларына

– Владимир Путинни къастлыгъы булан Россияда артдагъы йылларда кёп алмашынывлар болуп тура. Дагъыстанда болуп турагъан янгыртывларда, Президент булан байлавлу Сочи шагьарда Олимпия оюнланы оьтгеривде ва Къырымны Россиягъа къошувда ол политика масъалаланы уста кюйде чечме бажарды. Бугюн Къырымны командасы да бу турнирде ортакъчылыкъ этегенин нечакъы да арив гёрдюк, – деди ярышланы ачылывунда болгъан республиканы Башчысы Рамазан Абдулатипов.

Турнирде Дагъыстанны командасы етти медаль къазанды. Чемпион атгъа 66 кило авурлукъда Абдулла Абдулжалилов, 90 килода Шехмат Магьамматов ва 100 килода Арсен Омаров ес болдулар.

Ислам Эмеев 60 кило авурлукъда, Сабир Давутов 66 килода, 100 килода Гьайбулла Магьамматов гюмюш медаллар къазандылар. 90 килода Вацилав Давутов уьчюнчю ерни алды.

Биринчи ерге – 100, экинчи ерге – 50, уьчюнчю ерге 30 минг манат акъча савгъатлар гёрсетилген эди. Чемпионланы тренерлерине 200-ер минг манат тапшурулду.

 

 

 

Автор: Измулла ГЬАЖИЕВ.

Автор чыгъаргъан сурат.

Авторизация
*
*
Регистрация
*
*
*
Согласны с условиями сайта?
Генерация пароля