Савгъатлар къазангъанланы арасында эки къумукъ яш да бар. Къаягент районну Оьтемиш юртундан Дагъыстанны ва СКФО-ну чемпиону Камал Абдулжамалов 76 кило авурлукъда финалда дагъыстанлы Ансар Шариповну утуп, Россияны чемпиону болгъан. Ол ярышларда беш керен ябушгъан ва беш де керен ёлугъувларда уьст гелген. Бугюн Камал – Дагъыстанда ва Россияда оьзюню авурлугъуна гёре инг де биринчилеринден гьисапланагъан кочап.

Бу уьстюнлюк огъар яшланы арасында оьтгерилежек дюньяны чемпионатында ортакъчылыкъ этме ихтияр бере. Дюньяны чемпионатында да оьтемишли яш улан савгъат ерге ес болар деп умут этебиз.

Къаягентли Сайпулла Алиболатов 69 килода уьчюнчю ерни къазангъан.

 

Измулла ГЬАЖИЕВ.

СУРАТДА: К. Абдулжамалов.